> 2011 mes’e cabudanni 30 | ilMinuto

Archíviu de sa diri 30/09/2011

Prétzius in Casteddu: -0,3 po centu in su mesi de cabudanni

(IlMinuto) – Casteddu, 30 de su mesi de cabudanni – Diminuimentu lébiu de is prétzius in Casteddu in is últimas 30 diris. Agoa de mesis e mesis chi ant biu un’amanniamentu de sa carestia, in su mesi de cabudanni s’índixi de is prétzius po is consumadoris est difatis cabau de su 0,3 po centu. Is aumentus prus grais funt stétius registraus in su cumpartu “Arrecreu, ispetàculus e cultura” (+0,8) e in su de “Domus, àcua, currenti e combustìbilis” (+0,7). Sighi a ligi ‘Prétzius in Casteddu: -0,3 po centu in su mesi de cabudanni’

Política. Su sceberu indipendentista de is anticapitalistas de Sinistra Critica Sarda

(IlMinuto) – Casteddu, 30 de su mesi de cabudanni – S’oberrit una pàgini noa in su caminu de Sinistra Critica Sarda. Su cordinamentu sardu de s’organizatzioni anticapitalista, atobiau su 10 de su mesi de cabudanni in Ilàrtzi, at difatis determinau de ponni po iscritu su sceberu de una política indipendentista e anticolonialista e agoa at fatu connosci su determinu atressu de  su documentu scritu de Gianluigi Deiana. Su rapresentanti de Sinistra Critica Sarda denuntziat su raportu coloniali intre s’Itàlia e sa Sardìnnia (ocupatzioni militari, produtzioni chi impestant su logu, colonizatzioni turistica e arruina de s’ambienti) e proponit comenti puntu de arribu de fai un’”unioni populari manna e de classi”. Sighi a ligi ‘Política. Su sceberu indipendentista de is anticapitalistas de Sinistra Critica Sarda’

Trasportus: Sanna (ProgReS): “Sa Giunta Cappellacci ascludit Aristanis e Nùgoro de sa ‘mobilità sostenibile’”

(IlMinuto) – Casteddu, 30 de su mesi de cabudanni – Sa delíbera de pagus tempus fait de sa Giunta Cappellacci asuba de sa “mobilità sostenibile” – pistas po is bicicretas, bike sharing e car sharing – donat totu su dinai a is areas urbanas de Casteddu e Tàtari i escludit dessintotu su tzentru Sardìnnia. Est cantu denuntziat cun d-una nota publicada in su blog de cussu etotu Frantziscu Sanna (ProgReS). Su rapresentanti indipendentista pedit ca su 20 po centu de su dinai de sa “mobilità sostenibile” – 2 milionis de eurus – siant donaus a is areas urbanas de su tzentru de s’Ísula. Sighi a ligi ‘Trasportus: Sanna (ProgReS): “Sa Giunta Cappellacci ascludit Aristanis e Nùgoro de sa ‘mobilità sostenibile’”’

Radar militaris: denúntzia de is Comitaus a is Tribunalis de Casteddu, Aristanis e Tàtari

(IlMinuto) – Casteddu, 30 de su mesi de cabudanni – Sighit sa batalla legali contra a su fàbricu de is radar militaris in is costeras de sa Sardìnnia. In is diris passadas is Comitaus no Radar ant presentau unu documentu analìticu a is Procuras de is Tribunalis de Casteddu, Aristanis e Tàtari denuntziendi su chi no andat a cufroma a sa régula in is proceduras de “aprou de is radar militaris e in sa fasi de obertura de is cantieris”. Is atopus chi benint, aprontaus de is Comitaus ant essi presentaus cras a is 10.00 in Casteddu in d-una cuferéntzia de imprenta in sa sedi de s’Usb, in bia Madalena 20. In programa una fibera de assembreas cun Antonio Mazzeo (“su giornalista free lance chi po primu at denuntziau s”operatzioni radar’) e unu sit in su 5 de su mesi de ledàminis in Casteddu po s’udiéntzia de su Tar Sardìnnia. Sighi a ligi ‘Radar militaris: denúntzia de is Comitaus a is Tribunalis de Casteddu, Aristanis e Tàtari’

Avenimentus: in Gonnostramatza su cunbeniu “RENZO ATZEI: Un partigiano del territorio di parte Montis in Jugoslavia”

(IlMinuto) – Casteddu, 30 de su mesi de cabudanni – De cenàbara 7 a domínigu 9 de su mesi ledàminis su saloni parrochiali de Gonnostramatza, in pratza Santu Miali, at a aghilliri su cunbeniu: “RENZO ATZEI: Un partigiano del territorio di parte Montis in Jugoslavia”. S’avenimentu s’at a fai in duus atóbius: unu dedicau a Renzo Atzei partesanu in Jugoslavia, e un’àteru chi at a fueddai de is diversas spiegatzionis chi iant fatu fai unu sceberu diaici a is diversas ànimas de is Sardus. Sighi a ligi ‘Avenimentus: in Gonnostramatza su cunbeniu “RENZO ATZEI: Un partigiano del territorio di parte Montis in Jugoslavia”’