> Ambienti. “Gruppo di intervento giuridico”: “Portai a càstiu is domus chi funt fabrichendi in ‘Costa Paradiso’” | ilMinuto

Ambienti. “Gruppo di intervento giuridico”: “Portai a càstiu is domus chi funt fabrichendi in ‘Costa Paradiso’”

(IlMinuto) – Casteddu, 28 de su mesi de cabudanni – In ‘Costa Paradiso’ – in su territóriu de Trinidade e Binzola – est stétiu obertu unu cantieri po fabricai 200 domus. Is “Amici della Terra” e su “Gruppo di Intervento giuridico” ant mandau una signalatzioni a sa Procura de sa Repúbrica de Tèmpiu e a s’Assessorau regionali de sa Difesa de s’Ambienti, pedendi de portai a càstiu sa arregularidadi de is traballus in “Costa Paradiso”. Po is “Amici della Terra” e su “Gruppo di Intervento giuridico” sa legitimidadi de is fàbricus in s’area est difatis ambígua: is domus noas, de fabricai in d-unu tretu chi s’agatat in d-una pendéntzia arta meda e atesu de is biddas, no iant a arrespetai su Ppr e iant a arruinai su paisagiu de “Costa Paradiso”

© RIPRODUZIONE RISERVATA

0 Arrespustas a “Ambienti. “Gruppo di intervento giuridico”: “Portai a càstiu is domus chi funt fabrichendi in ‘Costa Paradiso’””


Is cummentus funt serraus.