> Avenimentus: in Macumère e in Aristanis piciocheddus in viàgiu cun Salgari | ilMinuto

Avenimentus: in Macumère e in Aristanis piciocheddus in viàgiu cun Salgari

(IlMinuto) – Casteddu, 8 de su mesi de su mesi cabudanni – “Tigrotti e corsari in viaggio con Salgari!”. Est custu su nòmini de su progetu aprontau po sàbudu 10 e domínigu 11 de su mesi de cabudanni de is Tzentrus de is Serbítzius Culturalis de Macumère e Aristanis. Sa manifestada tenit s’obietivu de afestai a is 100 annus de sa morti de Emilo Salgari. S’alliongiu at a permiti ai giovuneddus chi andant de is 8 a is 13 annus de partitzipai a butegas e animatzionis chi tenit s’iscopu de torrai a bivi su sentidu de is líburus de su scritori babu de Sandokan e e de su Corsaro Nero. Acuntéssias prenas de mari (sa primu diri in Aristanis) e de montis (sa sugundu diri in Macumère). Pigai parti a is giogus e a is butegas est a gratis, tocat perou a s’iscriri intru cras 9 de su mesi de cabudanni. S’iscritzioni dda depit fai o su babu o sa mama in su Tzentru Culturali in s’Arburada Ciussa 22 in Macumère o in cussu de Aristanis in bia Carpaccio 9.

© RIPRODUZIONE RISERVATA

0 Arrespustas a “Avenimentus: in Macumère e in Aristanis piciocheddus in viàgiu cun Salgari”


Is cummentus funt serraus.