> Avenimentus: in Uri Convenniu asuba de sa “Língua e Cultura Sarda” cun su rap de is Stranos Elementos | ilMinuto

Avenimentus: in Uri Convenniu asuba de sa “Língua e Cultura Sarda” cun su rap de is Stranos Elementos

Stranos Elementos(IlMinuto) – Casteddu, 8 de su mesi de Cabudanni – “Lingua e Cultura Sarda. Esperienze a confronto”. Est custu su títulu de su cunvenniu chi s’at a tenni cenàbara 9 e sàbudu 10 de su mesi cabudanni in sa Biblioteca comunali de Uri. In sa primu diri s’at a chistionai de “Lingua Sarda e Risorgimento Italiano. Gli effetti dell’italianizzazione linguistica all’epoca dell’Unità d’Italia”. Is traballus de sàbudu ant essi invecis dedicaus a sa “Diffusione della Lingua e della Cultura Sarda oggi”, cun su relatu de s’assessori a sa cultura de sa Provìntzia de Tàtari Bruno Farina e una parti dedicada a su contu de is esperiéntzias pràtigas. Ant a chistionai puru is Stranos Elementos, grupu rap sardu. Is duas diris de istudius ant a acabai cun su relatu de s’assessori regionali a sa Púbblica istrutzioni, Sergio Milia. Su progetu est finantziau puru de sa Provìntzia de Tàtari cun su dinai de sa lei regionali 26 de su 1997 (Agiudus po s’amparu de sa Língua e de sa Cultura Sarda).

© RIPRODUZIONE RISERVATA

1 Arrespusta a “Avenimentus: in Uri Convenniu asuba de sa “Língua e Cultura Sarda” cun su rap de is Stranos Elementos”


Is cummentus funt serraus.