> Indipendentismu: sa “convergéntzia natzionali” andat ainnantis. Declaratzioni unia de Sni, ProgRes, Paris e aMpI | ilMinuto

Indipendentismu: sa “convergéntzia natzionali” andat ainnantis. Declaratzioni unia de Sni, ProgRes, Paris e aMpI

(IlMinuto) – Casteddu, 28 de su mesi de cabudanni – Sighit su caminu de “convergéntzia natzionali” intre is organizatzionis indipendentistas. A 48 oras de s’atopu chi s’est tentu in s’Hotel Marianu IV de Aristanis Sni, ProgRes, Paris e aMpI ant fatu connosci is primus arresurtaus atressu de unu comunicau de imprenta, chi at donau unu giudítziu “bellu meda” a su traballu fatu fintzas a imoi. “Est lómpia s’ora – si ligit in d-una nota – de […] propòniri a sa natzioni sarda unu sceberu sériu e possíbili a is políticas fillas de s’autonomia de s’unidadi”. Is traballus – pretzisat sa nota – ant a sighiri in is mesis chi benint cun s’intentzioni de trisinai in su dibàtidu “totu cussas fortzas i enerzias de sa sotziedadi sarda chi tenint interessu beru a fabricai s’indipendentzia”.

© RIPRODUZIONE RISERVATA

0 Arrespustas a “Indipendentismu: sa “convergéntzia natzionali” andat ainnantis. Declaratzioni unia de Sni, ProgRes, Paris e aMpI”


Is cummentus funt serraus.