> Manuvra “contra a sa crisi”: custu merì sit in Casteddu. Usb: “tocat a ndi liai is 42 miliardus de is ispesas militaris” « ilMinuto – notizie Mediterranee – edizione Sardegna

Manuvra “contra a sa crisi”: custu merì sit in Casteddu. Usb: “tocat a ndi liai is 42 miliardus de is ispesas militaris”

(IlMinuto) – Casteddu, 12 de su mesi de cabudanni – “Una manuvra agraviosa chi ndi liat paga e diritus a is traballadoris e a is pensionaus po donai a chini in custus annus at tentu de prus”. Aici Usb Sardìnnia fueddad de sa finantziaria a s’esamu de su Parlamentu in custas diris. Su sindacau de basi at aprontau po custu merì unu sit in in Casteddu. S’atopu est a is 15.30 a faci de sa sedi de sa Prefetura in pratza Palatzu. S’Usb cumbidat a participai a “totus is chi bolint cumbati a custa manuvra”. S’organizatzioni sindacali proponit un’àtera finatziaria, est a nai proponit de recuberai s’Ici no pagada de sa Crésia Catolica, de fai intrai una pagamenta asuba de is propriedadis mannas e de ndi liai is ispesas militaris (“42 miliardus de eurus de còmporas programadas”).“Duncas – precisat su sindacau de basi – naraus ca no a su fàbricu de istrumentus de cuntrollu militaris nous in costeras nostras. No, duncas, a is radar in Sardìnnia e in àteru logu”.

© RIPRODUZIONE RISERVATA

0 Arrespustas a “Manuvra “contra a sa crisi”: custu merì sit in Casteddu. Usb: “tocat a ndi liai is 42 miliardus de is ispesas militaris””


Is cummentus funt serraus.