> Mostras: sa segunda vida de s’arti africana « ilMinuto – notizie Mediterranee – edizione Sardegna

Mostras: sa segunda vida de s’arti africana

(IlMinuto) – Casteddu, 12 de su mesi de cabudanni – At a benni oberta cenàbara 16 de su mesi cabudanni a is 9.30, in su Foru Boario de Aristanis, sa mostra “…La seconda vita…”. S’aparada nascit de una bidea de s’Osvic de Aristanis cun s’agiudu de su kenianu Augustine Okubo, s’artista chi arregalat a sa matéria una segundu vida e ddu fai trasformendi su materiali de arrefudu in ogetus de impitai dónnia diri e in òperas artísticas. Su progetu – si ligit in d-una nota – “tenit s’iscopu de trisinai a sa sotziedadi de is consumus in d-una gestioni mellus de is cosas, in s’arrespetu de s’ambienti e de sa sustenibilidadi”.S’avenimentu tenit s’acotzu de su Comunu de Aristanis, de s’Assessorau a sa Cultura e de sa Pro Loco de Aristanis. Sa mostra s’at a podi biri fintzas a su 20 de su mesi de cabudanni a is 13.30.

© RIPRODUZIONE RISERVATA

0 Arrespustas a “Mostras: sa segunda vida de s’arti africana”


Is cummentus funt serraus.