> Música: intru su 9 de su mesi de cabudanni is iscritzionis a su contest “Cantendi a sa moda de is patriotus” | ilMinuto

Música: intru su 9 de su mesi de cabudanni is iscritzionis a su contest “Cantendi a sa moda de is patriotus”

(IlMinuto) – Casteddu, 6 de su mesi de cabudanni – Su Comunu de Seddori, cun s’agiudu de s’Istitutu Calasanzio, s’Universidadi de sa Terza edadi e s’Assótziu Pro Loco de sa bidda est aprontendi s’avenimentu “Po Sa Die de sa Sardigna”, una fibera de atopus chi tenint s’iscopu de intrai prus a intru in is chistionis istóricu e culturali asuba de custa diri de importu mannu. Música contemporanea e istória s’ant atopai in circa – si ligit in d-una nota – “de cussu connotau simbolicu, provacau de ‘Sa die de sa Sardigna’ in su coru de is sardus e po su prus in cussu de is giovuneddus”. Intre is diversus atopus, ddoi est su contest “Cantendi a sa moda de is patriotus”. Is musicistas chi iant a bolli participai s’ant a depi iscriri, intru de su 9 de su mesi de cabudanni, in sa pàgina Facebook dedicada a s’avenimentu. Po participai a su prémiu tocat a presentai assumancu una cantzoni in língua sarda.

© RIPRODUZIONE RISERVATA

0 Arrespustas a “Música: intru su 9 de su mesi de cabudanni is iscritzionis a su contest “Cantendi a sa moda de is patriotus””


Is cummentus funt serraus.