> Ortus urbanus: mérculis assembrea in Sant’Elia « ilMinuto – notizie Mediterranee – edizione Sardegna

Ortus urbanus: mérculis assembrea in Sant’Elia

(IlMinuto) – Casteddu, 12 de su mesi de cabudanni – Is primus de su mesi de austu sa Giunta comunali de Casteddu at aprovau una proposta de arregulamentu asuba de is ortus urbanus de fai esaminai de su Consilu. Imoi de sa cosa si chistionat puru intre de is tzitadinus. S’Assótziu “Monte Urpinu Salvaguardia Ambientale” aprontat difatis un’atopu púbblicu asuba de “Progetu Ortus Urbanus” po mérculis chi benit, 14 de su mesi de cabudanni. S’atopu est po is 17.00 in sa Saba consiliari de sa Circoscritzioni 5, in Sant’Elia. “Ant essi gradessius – acrarat sa presidenti de s’assótziu Musa Luisella Caria in d-una in Facebook – agiudus de dónnia tipu, po studiai mellus cali siat sa bidea de ortu urbanu […], puru a faci de sa proposta de s’arregulamentu ortus urbanus de su Comunu de Casteddu”.

© RIPRODUZIONE RISERVATA

0 Arrespustas a “Ortus urbanus: mérculis assembrea in Sant’Elia”


Is cummentus funt serraus.