> Isciòpiru: sindacaus de basi in pratza in Casteddu contra a “is 120 miliadrdus de eurus liaus” | ilMinuto

Isciòpiru: sindacaus de basi in pratza in Casteddu contra a “is 120 miliadrdus de eurus liaus”

(IlMinuto) – Casteddu, 5 de su mesi cabudanni – Puru is sindacaus de basi cabant in pratza e ant a isciopirai po otu oras su 6 de su mesi cabudanni contra a sa manuvra de su Guvernu. “Sa manuvra economica prus grai fata fintzas a imoi – si ligit in d-una nota fata connosci de s’Usb Sardìnnia – chi ndi liat arrisorsas a is tzitadinus, a is traballadoris, a is giòvanus po ddas donai a is bancas e a is missionis militaris”. Po nai ca no a is “120 miliardus de eurus liaus” in Sardìnnia, is sindacaus de basi, ant aprontau una manifestada in Casteddu. S’atopu est po cras a is 9.00 in pratza Santu Cosomo.Po su sindacau de basi s’irminorigamentu de is diritus de is traballadoris fatu in is úrtimus 20 annus, est fillu de is acórdius firmaus de Cgil, Cisl e Uil de su 1992 a oi cun Governu e Confindustria, “ponendi aintru puru su de su 28 de su mesi de làmpadas de su 2011″.

© RIPRODUZIONE RISERVATA

0 Arrespustas a “Isciòpiru: sindacaus de basi in pratza in Casteddu contra a “is 120 miliadrdus de eurus liaus””


Is cummentus funt serraus.