> Contienda Tiscali: is traballadoris narant ca no a sa càscia integratzioni « ilMinuto – notizie Mediterranee – edizione Sardegna

Contienda Tiscali: is traballadoris narant ca no a sa càscia integratzioni

(IlMinuto) – Casteddu, 20 de su mesi de cabudanni – Su determinu fatu connosci de s’amministradori delegau de Tiscali, Renato Soru, de ponni in càscia integratzioni intre is 130 e is 150 traballadoris cun s’obietivu de arresparmiai seti milionis de eurus in d-un’annu “no si podit atzetai”. Est cantu scririt in d-una nota sindacali Anna Bisio, Rsa Slc Cgil. Is duas assembreas de is traballadoris chi si funt tentas cenàbara passau – acrarat Bisio – ant incàrrigau a is sindacaus de nai ca no a s’arrecursu a sa cig de pediri craresa asuba de su pranu industriali (“de avreguai cun atopus giai fissaus”) e de impòniri sacrifitzius a chini guadangiat in azienda. Po is sindacaus ddoi est un’àteru sceberu a sa càscia integratzioni: funt is cuntratus de solidariedadi, chi permitint de “amenguai s’oràriu de traballu, chentza de nci bogai a su traballadoris de s’azienda”.

© RIPRODUZIONE RISERVATA

0 Arrespustas a “Contienda Tiscali: is traballadoris narant ca no a sa càscia integratzioni”


Is cummentus funt serraus.