> Contienda Vinyls. Sa solidariedadi de su Pcl: “Eis fatu beni a impidiri su sbuidamentu de is barcilis” « ilMinuto – notizie Mediterranee – edizione Sardegna

Contienda Vinyls. Sa solidariedadi de su Pcl: “Eis fatu beni a impidiri su sbuidamentu de is barcilis”

(IlMinuto) – Casteddu, 19 de su mesi de cabudanni – In is diris passadas is traballadoris de sa Vinyls ant frimau a is operàjus incàrrigaus de su sbuidamentu de is barcilis de s’istabilimentu de Pòrtu Turre. Ant frimau aici una faina chi iat ai forsis fatu cumentzai su sciusciu de is impiantus. Un’atzioni chi arricit s’acotzu de sa setzioni provintziali de Tàtari de su Pcl. Su partidu comunista animat a is operàjus Vinyls a sighiri in sa mobilitada. “Is traballadoris – si ligit in d-unu comunicau – agoa de ai fatu de totu, s’agatant oi a faci de un’única bia credìbili po sparafiai sa serradura: cussa de sa lota frima. Cantu acontéssiu donat cunfirma ca sa bolontadi de no s’arrendi est bia”. “Sa bitória de custa lota – concluit su Pcl – podit lompi scéti si is traballadoris lassant stai dónnia illusioni asuba de solutzionis chi benint de is meris mannus” (prumissa de sa casta de is guvernantis e de is políticus de s’una e de s’àtera scuadra, arragateris fantàsimus, pranrus prenus de cumposturas […])”.

© RIPRODUZIONE RISERVATA

0 Arrespustas a “Contienda Vinyls. Sa solidariedadi de su Pcl: “Eis fatu beni a impidiri su sbuidamentu de is barcilis””


Is cummentus funt serraus.