> “Diamo un calcio al razzismo”: in Casteddu sa gara a cuàturu scuadras contra a su ratzismu | ilMinuto

“Diamo un calcio al razzismo”: in Casteddu sa gara a cuàturu scuadras contra a su ratzismu

(IlMinuto) – Casteddu, 4 de su mesi de ledàminis – Cumbati a su ratzismu agiudendi s’arrexonu intre is istitutzionis e is tzitadinus furesteris in tzitadi. Custu s’obietivu de “Diamo un calcio al razzismo”, sa gara a cuàturu scuadras de calciu chi s’at a tenni cenàbara chi benit a is 20.30 in su tzentru sportivu Monti Claro de bia Cadello, in Casteddu. Ant a cabai in campu is giogadoris chi rapresentant: sa Provìntzia de Casteddu, is giornalistas Sardìnnia, s’assótziu Don Chisciotte e sa scuadra de is piciocus furesteris. Sa manifestada contra a su ratzismu est aprontada de sa Provìntzia de Casteddu cun s’agiudu de s’assótziu Don Chisciotte.

© RIPRODUZIONE RISERVATA

0 Arrespustas a ““Diamo un calcio al razzismo”: in Casteddu sa gara a cuàturu scuadras contra a su ratzismu”


Is cummentus funt serraus.