> “Nosu su dépidu no ddu pagaus”. Su 15 de su mesi ledàminis sa Sardìnnia cabat in pratza in Aristanis | ilMinuto

“Nosu su dépidu no ddu pagaus”. Su 15 de su mesi ledàminis sa Sardìnnia cabat in pratza in Aristanis

(IlMinuto) – Casteddu, 7 de su mesi de ledàminis – Rejkiavik, Londra, Ateni, Roma, Madrid, New York e Aristanis. Su 15 de su mesi de ledàminis sa Sardìnnia at a cabai in pratza po tzerriai “nosu su dépidu no ddu pagaus”. Sa Manifestada, aprontada de su Comitau “15 ottobre”, s’at a sboddiai in duus mamentus: su corteu de is istudiantis in programa po su mangianu e su dibàtidu asuba de su dépidu in su merì, a cumentzai de is 16.00 in pratza Elianora. “Funt cumbidadas a pigai parti a sa cosa – si ligit in d-una email fata connosci de su Comitau – is operàjus, su movimentu pastoris, is comitaus de lota e totus is organizatzionis” chi funt de acórdiu asuba de s’abisóngiu de fai una mobilitada internatzionali contra a chini bolit fai pagai sa crisi de su capitalismu – e su dépidu suu – a is prus poberus.

© RIPRODUZIONE RISERVATA

0 Arrespustas a ““Nosu su dépidu no ddu pagaus”. Su 15 de su mesi ledàminis sa Sardìnnia cabat in pratza in Aristanis”


Is cummentus funt serraus.