> “Odiai a sa bandera de is Cuàturu Morus a is concertus”. Candu Facebook est impitau po menospretziai a sa Sardìnnia « ilMinuto – notizie Mediterranee – edizione Sardegna

“Odiai a sa bandera de is Cuàturu Morus a is concertus”. Candu Facebook est impitau po menospretziai a sa Sardìnnia

(IlMinuto) – Casteddu, 3 de su mesi de ledàminis – Prus de una borta su ratzismu passat atressu de Facebook. Mancai is diversus avertimentus, de su 2010 in su social network ddoi sighit a essi sa pàgini “Odiai a sa bandera de is Cuàturu Morus a is concertus”. Su gestori scririt “Eis mai biu banderas campanas o calabresas? S’eis segau is […] cun custa bandera” e impitat Facebook po dirigi su menosprétziu po sa Sardìnnia. In post meda is sardus – e po su prus is pastoris – innoi, funt amostaus comenti “sfloradoris de brebeis” e sa bandera de Ísula puru est strupiada in custu sensu. “Sa Sardìnnia – si podit ligi in sa pàgini Facebook – iat essi fata de óminis chi benint de un’arrampu diversu de s’isvilupu umanu chi s’espressant impititenti una forma primitiva meda de linguatzu verbali: su sardu”. Intre is pàginis chi preferit s’imbenteri de custu grupu ratzista agataus una scuadra política connota e boxi de unu fascismu nou e un’àteru grupu Facebook dedicau a s’ódiu po is sardus.

© RIPRODUZIONE RISERVATA

0 Arrespustas a ““Odiai a sa bandera de is Cuàturu Morus a is concertus”. Candu Facebook est impitau po menospretziai a sa Sardìnnia”


Is cummentus funt serraus.