> “Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris « ilMinuto – notizie Mediterranee – edizione Sardegna

“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris

(IlMinuto) – Casteddu, 11 de su mesi de ledàminis – Scadint lúnis chi benit, 17 de su mesi de ledàminis, is iscritzionis a is cursus a gratis de italianu po furesteris de su progetu “Fueddu duncas seu”. Is cursus, de 80 oras, funt po is tzitadinus chi ant fatu 18 annus, chi benint de foras e chi tenint su premissu de tratenimentu e su domitzíliu in Sardìnnia. Andai a su cursu donat su diritu a fai a gratis s’esàmini po pigai su documentu chi atestat sa connoscéntzia de sa língua italiana (D.M. 4/6/2010). Su progetu at essi fatu de s’Assótziu Nur.Is letzionis s’ant a tenni in Casteddu (tres cursus po unu totali de 60 postus), in Terranòa e in Tèmpiu (cuàturu cursus po unu totali de 80 postus). Is dimandas ant a depi essi intregadas a manu intru de su 17 de su mesi ledàminis de su 2011 a is 14.00 in d-una de is domus de is cumpantzus de su progetu e imbiadas cun d-un’arracumandada A/R indiritzada a “Associazione Interculturale NUR”, bia de is Columbus 1, 09126, Casteddu.

© RIPRODUZIONE RISERVATA

0 Arrespustas a ““Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris”


Is cummentus funt serraus.