> “Po su Tzensimentu de su 2011 sa língua sarda no esistit”. Sa protesta de Su Comitadu | ilMinuto

“Po su Tzensimentu de su 2011 sa língua sarda no esistit”. Sa protesta de Su Comitadu

(IlMinuto) – Casteddu, 14 de su mesi de ledàminis – Su Tzensimentu de su 2011 de sa populatzioni raiat sa língua sarda, su catalanu de S’alighera e is àteras línguas “alloglotte” de s’Ísula. Ddu denuntziat cun d-una nota de protesta Su Comitadu pro sa Limba sarda. “In àteras Regionis a Autonomia ispeciali – pretzisat su Comitadu – innui ddoi funt minorias linguìsticas comenti sa slovena, sa sud tirolesa, sa valdostana e sa ladina […] custas funt stétias pigadas in cundisériu in s’aprontamentu is módulus in sa língua insoru o in su tzensimentu de is minorias linguìsticas internas”.In àteru logus is “rilevatori” funt sceberaus puru fadendu contu de is cumpeténtzias linguìsticas, invecis in Sardìnnia – pretziasat sa nota – cun totu chi tenit sa minoris linguìstica prus numerosa de sa Repúbrica (e totali mazoràntzia in s’Ísula) sa língua sarda est stétia raiada de su Tzensimentu comenti chi fessat nudda”

© RIPRODUZIONE RISERVATA

0 Arrespustas a ““Po su Tzensimentu de su 2011 sa língua sarda no esistit”. Sa protesta de Su Comitadu”


Is cummentus funt serraus.