> 2011 mes’e ledàminis 03 | ilMinuto

Archíviu de sa diri 3/10/2011

Radar militaris: mérculis is Comitaus in pratza in Casteddu. Assembreas públicas cun Antonio Mazzeo

(IlMinuto) – Casteddu, 3 de su mesi de ledàminis – S’oberrit una cida de traballu mannu po is Comitaus No Radas Sardìnnia. Su sit in aprontau po mérculis 5 de su mesi de ledàminis in pratza de su Cramu, a is 9.00 – po s’udiéntzia de su Tar chi at a detzídiri asuba de is dimandas de fàbricu de is radar, presentadas cun is arrecursus de su Comunu de Tresnuraghes e de s’assótziu Italia nostra – chi at essi difatis afiacau de na fibera de assembreas públicas cun Antonio Mazzeo, intre is primus giornalistas a denuntziai s’operatzioni chi – scéti po is radar de sa Guardia Costera in is costeras de su stadu italianu – previdit un’impreu de dinai po pagu prus de 350 milionis de eurus (de su Secolo XIX). Sighi a ligi ‘Radar militaris: mérculis is Comitaus in pratza in Casteddu. Assembreas públicas cun Antonio Mazzeo’

Presonis in Sardìnnia. Caligaris (Sdr): “No funt stétias arrespetadas is iscadéntzias po sa sanidadi in is presonis”

(IlMinuto) – Casteddu, 3 de su mesi de ledàminis – Mérculis 5 de su mesi ledàminis at a scadèssiri su tempus poita su Guvernu donit a is Aziendas sanitàrias de su territóriu sardu is benis e is aposentus de sa sanidadi de is presonis, chentza chi “s’acórdiu intre su Ministeru de sa Giustítzia e sa Regioni siat stétiu detzidiu comenti di depit”. Est cantu denuntziat cun d-una nota Maria Grazia Caligaris, presidenti de s’Assótziu “Socialismo Diritti e Riforme”. “Fintzas a imoi – acrarat Caligaris – funt stétius arrespetaus is métodus po su trasferimentu a su Serbítziu sanitàriu de sa Regioni de is fainas, […] ma no est stétiu fatu niscunu passu cuncretu po acrarai is chistionis prus delicadas de su finantziamentu”. Sighi a ligi ‘Presonis in Sardìnnia. Caligaris (Sdr): “No funt stétias arrespetadas is iscadéntzias po sa sanidadi in is presonis”’

“Odiai a sa bandera de is Cuàturu Morus a is concertus”. Candu Facebook est impitau po menospretziai a sa Sardìnnia

(IlMinuto) – Casteddu, 3 de su mesi de ledàminis – Prus de una borta su ratzismu passat atressu de Facebook. Mancai is diversus avertimentus, de su 2010 in su social network ddoi sighit a essi sa pàgini “Odiai a sa bandera de is Cuàturu Morus a is concertus”. Su gestori scririt “Eis mai biu banderas campanas o calabresas? S’eis segau is […] cun custa bandera” e impitat Facebook po dirigi su menosprétziu po sa Sardìnnia. In post meda is sardus – e po su prus is pastoris – innoi, funt amostaus comenti “sfloradoris de brebeis” e sa bandera de Ísula puru est strupiada in custu sensu. Sighi a ligi ‘“Odiai a sa bandera de is Cuàturu Morus a is concertus”. Candu Facebook est impitau po menospretziai a sa Sardìnnia’

Avenimentus: in su T-Hotel cuferéntzia po chistionai de “Políticas po is Giòvanus po s’acrescimentu de Casteddu”

(IlMinuto) – Casteddu, 3 de su mesi ledàminis – S’at a tenni oi, a is 16.00, in sa saba Cuferéntzias de su T-Hotel, in bia de is Giudicaus in Casteddu, sa cuferéntzia “Políticas po is Giòvanus po s’acrescimentu de Casteddu- s’isfida po una Tzitadi noa”. S’avenimentu, aprontau de TDM 2000, AEGEE Casteddu, YouSardinia, Unica 2.0, “CNGI Confesercenti”, CGIL Casteddu, Fundatzioni “Terra di Sardegna”, bolit essi – si ligit in d-una nota – “unu mamentu de cunfrontu chi, partendi de su patrimóniu de is esperiéntzias fatas de cussus etotu, si potzat fai una avansada de atzionis cuncretas in faori de su mundu casteddaiu de is giòvanus”. Sighi a ligi ‘Avenimentus: in su T-Hotel cuferéntzia po chistionai de “Políticas po is Giòvanus po s’acrescimentu de Casteddu”’