> 07 « mes’e ledàminis « 2011 « ilMinuto – notizie Mediterranee – edizione Sardegna

Archíviu de sa diri 7/10/2011

Política. ProgReS: “Su síndigu Zedda copiau su programa nostru (liendi su sardu)”

(IlMinuto) – Casteddu, 7 de su mesi de ledàminis – “Satisfatzioni manna po is dichiaras fatas, su 28 de su mesi de cabudanni passau, de su síndigu de Casteddu Massimo Zedda asuba de su programma de cussu etotu”. Custu est su pentzu de ProgReS asuba de su progetu chi su síndigu tenit po Casteddu. Unu progetu chi perou, a cantu narat s’organizatzioni indipendentista iat essi “casi aguali” a su presentau a is comunalis de Ornella Demuru, candidau de ProgReS a síndigu. “In sa gara eletorali – si ligit in d-una nota publicada de su Cordinamentu Tzitadinu Casteddu – s’alleàntzia chi acotzàt a Massimo Zedda iat presentau unu programa casi aguali a cussu chi ProgReS iat giai fatu connosci a sa genti”. Sighi a ligi ‘Política. ProgReS: “Su síndigu Zedda copiau su programa nostru (liendi su sardu)”’

Ecunumia: a sa Fiera de Casteddu si chistionat de turismu sportivu

(IlMinuto) – Casteddu, 7 de su mesi de ledàminis – Su turismu sportivu comenti arrichesa de importu mannu po s’acrescimentu económicu, sotziali e culturali de sa Sardìnnia. At essi custu su tema de s’atopu promòviu de su Coni po s’obertura de sa XXXII editzioni de su Turisport, manifestada aghillia in sa Fiera de Casteddu. Sighi a ligi ‘Ecunumia: a sa Fiera de Casteddu si chistionat de turismu sportivu’

Iscola: assoltu su sindacalista Cobas Nicola Giua. In su 2007 si furiat incadenau in Palatzu Chigi

(IlMinuto) – Casteddu, 7 de su mesi de ledàminis – Su 4 de su mesi de làmpadas de su 2007, Nicola Giua, dirigenti sardu de is Cobas, si furiat incadenau in s’arreciada de una fentana de Palatzu Chigi, in Roma, po protestai contra a sa mudesa de su Guvernu Prodi asuba de s’isciòpiru de su fàmini po is diritus sindacalis, cumentzau de giai 48. Is fortzas de s’órdini furiant intervennias cun sa fortza segendi sa cadena (40 diris de curas po su sindacalista sardu) e iant denuntziau a Giua po ai fatu arresesténtzia “cun fortza”. Cenàbara passau, a cuàturu annus e prus de is fatus de su 2007, su rapresentanti de is Cobas est stétiu assoltu, aici comenti iant dimadau difesa e acusa. Sighi a ligi ‘Iscola: assoltu su sindacalista Cobas Nicola Giua. In su 2007 si furiat incadenau in Palatzu Chigi’

“Nosu su dépidu no ddu pagaus”. Su 15 de su mesi ledàminis sa Sardìnnia cabat in pratza in Aristanis

(IlMinuto) – Casteddu, 7 de su mesi de ledàminis – Rejkiavik, Londra, Ateni, Roma, Madrid, New York e Aristanis. Su 15 de su mesi de ledàminis sa Sardìnnia at a cabai in pratza po tzerriai “nosu su dépidu no ddu pagaus”. Sa Manifestada, aprontada de su Comitau “15 ottobre”, s’at a sboddiai in duus mamentus: su corteu de is istudiantis in programa po su mangianu e su dibàtidu asuba de su dépidu in su merì, a cumentzai de is 16.00 in pratza Elianora. Sighi a ligi ‘“Nosu su dépidu no ddu pagaus”. Su 15 de su mesi ledàminis sa Sardìnnia cabat in pratza in Aristanis’

Avenimentus: in s’Universidadi de Tàtari “Sa Die de sa Limba Sarda”

(IlMinuto) – Casteddu, 7 de su mesi de ledàminis – Sàbudu 22 de su mesi de ledàminis a cumentzai de is 9.30, s’àula magna de sa Facoltadi de pratza Universidadi in Tàtari at aghilliri a “Sa Die de sa Limba Sarda”. S’avenimentu apronta de s’Assótziu Su Majolu, s’at a oberri cun d-unu cunvennu chi at a tenni po tema “S’amparu de sas limbas minores e s’imparu de custas in sas iscolas: Esperentzias praticas de imparu de su Sardu”. Ant a contai is esperiéntzias insoru maistus e professoris chi ant imparau sa língua sarda in is iscolas e in s’Universidadi. Sighi a ligi ‘Avenimentus: in s’Universidadi de Tàtari “Sa Die de sa Limba Sarda”’