> 11 « mes’e ledàminis « 2011 « ilMinuto – notizie Mediterranee – edizione Sardegna

Archíviu de sa diri 11/10/2011

Universidadi de Casteddu: in Líteras is cursus de imparu po is maistus de língua sarda

(IlMinuto) – Casteddu, 11 de su mesi de ledàminis – S’Universidadi de Casteddu cumentzat is cursus de imparu po formai maistus de língua sarda. S’Assessorau regionali de sa Pública Istrutzioni – fadendusì a s’artículu 19 de sa lei 26 de su 1197 – at difatis donau a sa Facoltadi de Líteras e Filosofia de s’Ateneu casteddaiu su progetu “FILS – Formatzione de insinnantes in limba sarda”, chi cumentzat cun sa publicata de su bandu de sceberu po títulus e collóchius de 100 candidaus, cun scadéntzia 17 de su mesi ledàminis de su 2011. Sighi a ligi ‘Universidadi de Casteddu: in Líteras is cursus de imparu po is maistus de língua sarda’

“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris

(IlMinuto) – Casteddu, 11 de su mesi de ledàminis – Scadint lúnis chi benit, 17 de su mesi de ledàminis, is iscritzionis a is cursus a gratis de italianu po furesteris de su progetu “Fueddu duncas seu”. Is cursus, de 80 oras, funt po is tzitadinus chi ant fatu 18 annus, chi benint de foras e chi tenint su premissu de tratenimentu e su domitzíliu in Sardìnnia. Andai a su cursu donat su diritu a fai a gratis s’esàmini po pigai su documentu chi atestat sa connoscéntzia de sa língua italiana (D.M. 4/6/2010). Su progetu at essi fatu de s’Assótziu Nur. Sighi a ligi ‘“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris’

Indipendentismu: domínigu in Paùlle cungressu de Sardigna Natzione

(IlMinuto) – Casteddu, 11 de su mesi de ledàminis – “Semene e incunza de s’Indipendentismu modernu”: Custu su tema de su cungressu de Sardigna Natzione Indipendentzia, in programa domínigu 16 de su mesi de ledàminis in Santa Cristina de Paùlle (chilómitru 144 de s’arruga statali 131) a cumentzai de is 9.30. Sighi a ligi ‘Indipendentismu: domínigu in Paùlle cungressu de Sardigna Natzione’

Militarizatzioni. Su Tar bullat a is radars: “A su primu postu s’amparu de sa saludi”

(IlMinuto) – Casteddu, 11 de su mesi de ledàminis – Is traballus po su fàbricu de is radar de “Capo Pecora”, Frùmini Mayori e Tresnuraghes funt blocaus fintzas a su 21 de su mesi de gennàrgiu de su 2012, diri de sa senténtzia. Est cantu detzidit unu pragoni publicau in is diris passadas de su Tar Sardìnnia, cun satisfatzioni manna de is Comitaus No Radar de s’Ísula. “Su giugi aministrativu – si ligit in su giassu NoRadarCapoSperone – donat a su Ministeru e a sa Regioni una letzioni de diritu costitutzionali e de tzivilidadi giurídica”. Su puntu 1 de sa senténtzia narat in manera crara ca “s’interessu natzionali” in su fàbricu de is radar “arruit ainnantis de un’interessu prus mannu, su de su públicu po s’amparu de sa saludi”.

Sighi a ligi ‘Militarizatzioni. Su Tar bullat a is radars: “A su primu postu s’amparu de sa saludi”’

Avenimentus: in Maracalagonis “S’arti in S’arriu”

(IlMinuto) – Casteddu, 11 de su mesi de ledàminis – S’Assótziu “Ieri, Oggi e Domani” cun s’apógiu de su Comunu de Maracalagonis, Assessorau a sa Cultura, sport e ispetàculu aprontat “S’arti in S’arriu, Artisti e Artigiani del passato all’opera”. S’avenimentu s’at a tennii de su 15 a su 16 de su mesi ledàminis in s’Arriu Cortis de su comunu in Provìntzia de Casteddu. “S’arti in S’arriu” est una manifestada chi tenit s’iscopu de avalorai a is mestieris antigus, su tempus andau in su tempus benidori po no si ndi scaresci de sa cultura nostra. Sighi a ligi ‘Avenimentus: in Maracalagonis “S’arti in S’arriu”’