> 2011 mes’e ledàminis 12 | ilMinuto

Archíviu de sa diri 12/10/2011

Acuntéssia Bellomonte: sàbudu in Nùgoro pràngiu de aMpI

(IlMinuto) – Casteddu, 12 de su mesi de ledàminis – Arregolli dinai po finatziai a trasferta romana in ocasioni de s’úrtima udiéntzia de su protzessu a Bruno Bellomonte, dirigenti de sa manca indipendentista sarda. Cun custu obietivu a Manca pro s’Indipendentzia at aprontau po sàbudu chi benit 15 de su mesi de ledàminis unu pràngiu po arregolli dinai – prétziu mínimu 10 eurus – in sa domu natzionali de bia Aurelio Saffi, in Nùgoro. Sighi a ligi ‘Acuntéssia Bellomonte: sàbudu in Nùgoro pràngiu de aMpI’

Lei 44: sa Regioni firmat sa torradura de is agiudus. Satisfatzioni de Coldiretti

(IlMinuto) – Casteddu, 12 de su mesi de ledàminis – Nova bella po sa pesadilla chentza de fini de sa lei 44 de su 1988. In abetu de “solutzionis possíbilis de propòniri in domu europea”, sa Giunta at firmau – cun d-una delíbera aprovada su 23 de su mesi cabudanni passau – is proceduras de torradura de is agiudus donaus tempus fait a is massajus”. Scéti pagu mesis fait sa Regioni iat donau un’arrespusta diversa, imbiendi 5milla abisus de pagamentas a is massajus sardus trisinaus in s’acontéssia, po 31 milionis de eurus in totu. Sa Coldiretti si ndi prexat de s’arrasurtau otentu asuba de sa torradura de is agiudus de sa lei 44. Sighi a ligi ‘Lei 44: sa Regioni firmat sa torradura de is agiudus. Satisfatzioni de Coldiretti’

Avenimentus: in Casteddu cuàturu diris de “Festa Comunista”

(IlMinuto) – Casteddu, 12 de su mesi de ledàminis – Cuàturu diris de dibàtidus, concertus, teatru, tzínema e cosa de papai meda. At essi custu su chi s’at a agatai in sa “Festa Comunista”, in programa de 12 a su 15 de su mesi de ledàminis in parchégius de su PArcu de Monti Claro. Un’atopu dedicau a su tema “A su tzentru is periferias”, cumentzat oi cun sa presentada de su progetu “Biblioteca popolari Antonio Gramsci” (18.00), cun su dibàtidu “Grigio periferia, le scuole di una città dimenticata” (18.30) e cun su concertu “Canzoni di lotta, amore e altri nobili sentimenti”, aprontau de su IlDeposito.org, cun Sergio Durzu e Gigi Stochino (20.30). Sighi a ligi ‘Avenimentus: in Casteddu cuàturu diris de “Festa Comunista”’

Sit in contra a su irminorigamentu de is consilleris regionali. “Ant essi elìgius scéti is chi ant essi inditaus de is partitus italianus”

(IlMinuto) – Casteddu, 12 de su mesi de ledàminis – Sa proposta de amenguai a su númeru de is consilleris regionalis de 80 a 60, oi torra a s’esàminu de s’assembrea de bia Roma, est scéti una manera de ndi liai a sa de demogratzia chentza de amenguai is privilégiu e is costus de sa política. Est cantu denuntziat cun d-una nota de imprenta Sardigna Natzione Indipendentzia. In ocasioni de s’esàminu de sa proposta de s’àula, sa scuadra indipendentista at aprontau unu sit in de “Vardania democratica” a faci de su Consillu regionali. S’atopu est in s’apustipràngiu de oi e in su cras, a cumentzai de is 15.00.

Sighi a ligi ‘Sit in contra a su irminorigamentu de is consilleris regionali. “Ant essi elìgius scéti is chi ant essi inditaus de is partitus italianus”’

Avenimentus: in Dèsulu “La Montagna Produce 2011″ a sa XXI editzioni

(IlMinuto) – Casteddu, 12 de su mesi de ledàminis – S’at tenni de su 29 de su mesi de ledàminis a su 1 de su mesi de totussantus in Dèsulu sa XXI editzioni de ”La Montagna Produce 2011″, un’avenimentu culinàriu innoi s’ant a podi tastai e comporai totis is podotus de sa muntànnia, de is presutus a su satitzu, de su pani a sa petza, de su casu ‘e froma a is drucis. In sa festa no ant a mancai nimancu is castanzas arrustu e su callu.

Sighi a ligi ‘Avenimentus: in Dèsulu “La Montagna Produce 2011″ a sa XXI editzioni’