> 2011 mes’e ledàminis 13 | ilMinuto

Archíviu de sa diri 13/10/2011

“Cuba, Sardìnnia, Argentina in poesia”: in sa Domu de su Pópulu de Bosa unu merì cun Mulas, Impaglione e Pausides

(IlMinuto) – Casteddu, 13 de su mesi de ledàminis – Sa sarda Giovanna Mulas, s’argentinu Gabriel Impaglione e su cubanu Alex Pausides. Ant essi is protagonistas de su ligimentu públicu “Cuba, Sardìnnia, Argentina in poesia”, in programa sàbudu 15 de su mesi de ledàminis a is 20.00 in sa Domu de su Pópulu. Sighi a ligi ‘“Cuba, Sardìnnia, Argentina in poesia”: in sa Domu de su Pópulu de Bosa unu merì cun Mulas, Impaglione e Pausides’

Petróliu. Zirichiltaggia narat ca no a su putzu Saras: “Única seguresa sa destrossa ambientali”

(IlMinuto) – Casteddu, 13 de su mesi de ledàminis – Aumentant is boxis chi funt contra a su progetu chi de sa Saras de cumentzai sa circa de su petróliu in su territóriu de Arborea cun d-unu putzu “esplorativo”. Puru po s’Assótziu culturali Zirichiltaggia su putzu no si depit fai. Sa família Moratti - acrarat s’Assótziu in d-una nota scrita de Edoardo Cossu – at presentau sa dimanda a sa Regioni po otèniri su permissu aviai is traballus, ma no ddoi est nisciuna seguresa chi ddoi siat su petróliu in su territóriu e “puru si siat detzídiri de cumentzai a pertusai chentza de agatai nudda chi parrit oru nieddu, eus a assisti a un’àtera destrossa de sa Sardìnnia”. Sighi a ligi ‘Petróliu. Zirichiltaggia narat ca no a su putzu Saras: “Única seguresa sa destrossa ambientali”’

“Boleus sa bonífica”. Cras in Igrèsias sit in de is Comitaus e assótzius po denuntziai s’impestadura de sa Portovesme. Partecipatzioni de aMpI

(IlMinuto) – Casteddu, 13 de su mesi de ledàminis – Nai torra ca no a s’arruina ambientali in su tretu industriali de Portovesme. Cun custu obietivu is assótzius e is comitaus cívicus de su Surcis Igresienti (Adiquas Nuraxi Figus, Comitau “Carlofortini Preoccupati”, Portoscuso Libera) ant aprontau po cras a is 9.30 unu sit in a faci de sa domu de sa Provìntzia de bia Argentaria, in Igrèsias. A sa mobilitada at a pigai parti puru aMpI. Is manifestantis pedint “sa bonífica e su mudamentu industriali e funt contra a s’impitu de su territóriu po is muntronaxu industrialis”. Sighi a ligi ‘“Boleus sa bonífica”. Cras in Igrèsias sit in de is Comitaus e assótzius po denuntziai s’impestadura de sa Portovesme. Partecipatzioni de aMpI’

Avenimentus in Casteddu “I Valori del Verde”

(IlMinuto) – Casteddu, 13 de su mesi de ledàminis – S’at a tenni de su 14 a su 16 de su mesi ledàminis, in su Pracu Provìntziali de Monti Claro, s’avenimentu “I Valori del Verde”. Sa manifestada at essi dedicada a su zardinu, a s’ortu e birdi públicu e privau. Zeminàrius, cuferéntzias, aparadas e mostras-mercau ant a afestai “I Valori del Verde”. Sighi a ligi ‘Avenimentus in Casteddu “I Valori del Verde”’