> 2011 mes’e ledàminis 19 | ilMinuto

Archíviu de sa diri 19/10/2011

Football americanu: Crusaders Casteddu 6 – Daemons Martesana 48

(IlMinuto) – Casteddu, 19 de su mesi de ledàminis – Sderrota manna in domu po is Crusaders Casteddu in su Campionau italianu “High school” de football americanu po piciocus chi tenint de mancu de 18 annus. Domínigu passau, in su campu sportivu Eliseo Corona de Paùli, sa scuadra sarda est stétia binta po 48 a 6 de is Daemons Martesana. Sighi a ligi ‘Football americanu: Crusaders Casteddu 6 – Daemons Martesana 48′

“Nudda gherra, scéti frutus de sa Terra!”. Is “bombas de ortu” de Sardegnafilieracorta

(IlMinuto) – Casteddu, 19 de su mesi de ledàminis – Staxai tretixeddus urbanus scabudaus a fai “iscopiai” is “bombas de ortu”. Nascit cun s’obietivu “Nudda gherra, scéti frutus de sa Terra!”, unu progetu promòviu de Sardegnafilieracorta. At essi assótziu a donai a is residentis de is areas urbanas chi ant a fai dimanda is sementas po s’ortu. “Cun arrastellus, marras e contzimi biològicu – si ligi in d-una publicada in Facebook – eis a preparai su terrenu innui fai ‘iscopiai’ ‘bombixedda’ de sèminis po s’ortu. Su cumbidu est po totus, giovuneddus e mannus”. Sighi a ligi ‘“Nudda gherra, scéti frutus de sa Terra!”. Is “bombas de ortu” de Sardegnafilieracorta’

Zuncheddu contra a Equitalia. Sa rapresentanti indipendentista: “Sa Giunta aplichit s’artículu 51 de su Statutu”

(IlMinuto) – Casteddu, 19 de su mesi de ledàminis – Su fiscu italianu i Equitalia faint dannus mannus a sa messarítzia, a sa pastoria, a s’artesanau, a su Cumérciu e a totus is fainas de su territóriu e a is partidas Iva in Sardìnnia. Est candu denuntziat cun d-un’interrogatzioni a sa Giunta regionali – de su 12 de su mesi de ledàminis – Claudia Zuncheddu, consilleri de is Indipendentistas. Po Zuncheddu su guvernu regionali tenit crupas mannas in custa acontessia: no aplicat difatis s’artículu 51 de su Statutu. In Sardìnnia – acrarat Zuncheddu – Equitalia si “bantat de ai superau is obietivus de coberantza prevìdius, ma at provocau una poberesa económica manna a is impresas e a is famílias” cun “dannus po sa saludi de is pagadoris”. Sighi a ligi ‘Zuncheddu contra a Equitalia. Sa rapresentanti indipendentista: “Sa Giunta aplichit s’artículu 51 de su Statutu”’

De Tramuntana a Meridioni est arrumpellamentu contra a su Galsi: sit in in Terranòa e in Pramas Sruexu

(IlMinuto) – Casteddu, 19 de su mesi de ledàminis – Atopu dópiu contra a su Galsi: Su Gasdotu Algeria Sardìnnia Itàlia progetau po atrevessai s’Ísula po 272 chilómetrus de “Porto Botte” in Terranòa. Sàbudu chi benit s’ant a tenni duus sit in, unu a Meridioni e s’àteru a Tramuntana de sa Sardìnnia. Su primu, in is Salinas de Stadu de Pramas Sruexu, est stétiu avisau de su Movimentu “Artigiani e Commercianti liberi” cun s’obietivu – si ligit in d-una nota – “de chistionai de is isprópius de is terrenus po su fàbricu de su metanodotu Galsi”. Su segundu, chi s’at a tenni in s’arenàrgiu de Is Salinas de Terranòa, tenit s’iscopu de frimai su fàbricu de sa Tzentrali de prémida in “Venafiorita”. Sighi a ligi ‘De Tramuntana a Meridioni est arrumpellamentu contra a su Galsi: sit in in Terranòa e in Pramas Sruexu’

Mostras: in Santu Sperau ACqUA

(IlMinuto) – Casteddu, 19 de su mesi de ledàminis – “ACqUA”, sa forma lícuida de sa fotografia: est custu su títulu de sa mostra fotografica chi ant obertu in Santu Sperau, in sa crésia de Santu Giuanni, in bia Santu Giuanni 53, su 10 de su mesi de ledàminis passau, Ombretta Corta, s’artista mama de is màginis, est arrenescia a frimai su motu de s’”ACqUA” intertzetendi su mamentu de sa mudadura. Sighi a ligi ‘Mostras: in Santu Sperau ACqUA’