> 20 « mes’e ledàminis « 2011 « ilMinuto – notizie Mediterranee – edizione Sardegna

Archíviu de sa diri 20/10/2011

Sindrome de Cuirra. In Tàtari assembrea asuba de su Pisq: mortus, profetus e crupas

(IlMinuto) – Casteddu, 20 de su mesi de ledàminis – Chini morrit po mori de is belenus de su Poligonu de Cuirra? Chini fait dinai de is fainas de s’istritura? Cali funt is arresponsabilidadis in giogu? Arrespundi a custas preguntas est s’obietivu de s’atóbiu “S’istória de sa basi de Cuirra intre interessus políticus i económicus”, aprontau in Tàtari de s’Atóbiu de is grupus “autogestiti” po su scordonamentu de su Pisq. Sighi a ligi ‘Sindrome de Cuirra. In Tàtari assembrea asuba de su Pisq: mortus, profetus e crupas’

Sanidadi in is presonis: in Cuartuciu infermieris “lissentziaus” po mori de sa burocratzia

(IlMinuto) – Casteddu, 20 de su mesi de ledàminis – Duus infermieris chi traballànt in su presoni de is minoris de Cuartuciu funt imoi disimperaus po mori de is istrobus burocràticus in sa trasida de sa gestioni de sa sanidadi penitentziària de su Ministeru de sa Giustítzia a is Aziendas sanitàrias de su territóriu. Ddu fait sciri cun d-unu comunicau de imprenta Maria Grazia Caligaris, presidenti de s’assótziu “Socialismo Diritti e Riforme”. Sighi a ligi ‘Sanidadi in is presonis: in Cuartuciu infermieris “lissentziaus” po mori de sa burocratzia’

“Tocat a frimai a s’ocupatzioni militari italiana”. Su movimentu indipendentista narat ca no a sa caserma de Pradu

(IlMinuto) – Casteddu, 20 de su mesi de ledàminis – Totu su movimentu indipendentista sardu est prontu a sighiri a s’opòniri a su fàbricu de sa caserma de Pradu, in Nùgoro, e a pediri unu sceberu po s’isvilupu de su territóriu. Est cantu est stétiu nau ariseru a mangianu in d-una cuferéntzia de imprenta in sa domu natzionali nugoresa de a Manca pro s’Indipendentzia in bia Aurelio Saffi,  ant pigau parti a sa cosa, su dirigenti de aMpI, Giorgio Devias, e su consilleri provintziali de ProgRes Bobore Bussa. Su de sa caserma – at pretzisau Bussa – est un’esémpiu clàssicu de comenti “su statu italianu s’arretirat de sa Sardìnnia, serrendi is serbítzius útilis a sa populatzioni, e amanniendi ivecis sa preséntzia sua cun s’ocupatzioni militari e àteras suciarras comenti Equitalia”. Devias at invecis fatu unu pagheddu de contus. Sighi a ligi ‘“Tocat a frimai a s’ocupatzioni militari italiana”. Su movimentu indipendentista narat ca no a sa caserma de Pradu’

Tzensimentu 2011. PSd’Az: annullai su chistionàriu chi raiat a sa língua sarda

(IlMinuto) – Casteddu, 20 de su mesi de ledàminis – Amanniat in Sardìnnia sa protesta contra a su Tzensimentu 2011 de sa populatzioni. Agoa de sa denúntzia de su Comitadu pro sa Limba sarda de cida passada, imoi su consilleri regionali de su PSd’Az, Efisio Planetta, pedit a su Presidenti de sa Regioni, Ugo Cappellacci, de annullai a su chistionàriu atuali e de fai in modu chi bengat scritu puru in língua sarda. Su rapresentanti sardista pedit chi siant arraspetaus is cómpitus chi sa lei regionali 26 de su 1997 intregat a sa Regioni e is printzípius de amparu de is minorias linguìsticas prevìdius de sa lei 482 de su 1999, arraspetaus in is chistionàrius de su Tzensimentu de is àterus logus. Sighi a ligi ‘Tzensimentu 2011. PSd’Az: annullai su chistionàriu chi raiat a sa língua sarda’

Mostras: in Casteddu “CentoventiGramsci”

(IlMinuto) – Casteddu, 20 de su mesi de ledàminis – “S’illusioni est s’arramanàrxu prus pertiatzu de sa cuscéntzia colletiva: s’istória imparat, ma no tenit scientis” (Antoni Gramsci)

Casteddu, a 120 annus de sa nàscida, fait onori a Antoni Gramsci e ddi dedicat sa mostra “CentoventiGramsci”. 120 funt difatis is òperas dedicadas a su grandu ómini políticu sardu de Gabriele Cancedda. Sighi a ligi ‘Mostras: in Casteddu “CentoventiGramsci”’