> 2011 mes’e ledàminis 24 | ilMinuto

Archíviu de sa diri 24/10/2011

Indipendentismu: sàbudu in Pòrtu Turre assembrea asuba de su “tempus benidori de sa Sardìnnia”

(IlMinuto) – Casteddu, 24 de su mesi de ledàminis – “Indipendentzia: tempus benidori de sa Sadìnnia”. At essi custu su tema de sa cuferéntzia in programa po sàbudu chi benit 29 de su mesi de ledàminis in Pòrtu Turre, in sa saba Filippo Canu a cumetzai de is 17.00. In s’atopu ant fueddai Cristiano Sabino (aMpI), Bustianu Cumpostu (Sni) e Giovanni Fara. Sighi a ligi ‘Indipendentismu: sàbudu in Pòrtu Turre assembrea asuba de su “tempus benidori de sa Sardìnnia”’

Casteddu. Lobina (Fds): “Trasparéntzia in sa gestioni de logus is aposentus comunalis”

(IlMinuto) – Casteddu, 24 de su mesi de ledàminis – Trasparéntzia prus manna in s’impitu de is logus comunalis, a cumentzai de is aposentus de sa cuarta circoscritzioni. Est cantu pedit cun d-unu comunicau de imprenta Enrico Lobina, consilleri comunali de sa Fds in su comunu de Casteddu. “Unus cantu aposentus de sa circoscritzioni n. 4 chi s’agatant in bia Castiglione – scririt Lobina – funt ocupaus e praticamenti no funt impitaus de is assótzius ‘Vivere Insieme’ e ‘Coccinelle’”. Sighi a ligi ‘Casteddu. Lobina (Fds): “Trasparéntzia in sa gestioni de logus is aposentus comunalis”’

Galsi. Comitau “NoGasdotto”: “Sa política nerat de cali parti stait”. Lai (Pd): “Obietivu strategicu su babu beru est D’Alema”

(IlMinuto) – Casteddu, 24 de su mesi de ledàminis – “Is movimentus e is partidus políticus de sa Sardìnnia, lassendi stai is chi ant giai manifestau su própriu pentzu asuba de su Galsi, tentit su doveri de pigai una ditzisioni crara e de nai de cali parti staint”. Est cantu narat in d-una nota de impenta su Comitau “NoGasdottoProSardegna”. “Unu pentzu craru – si ligit in sa nota – est a a nai EJA o NONO a su Galasi”. Su Comitau s’oponit puru a eventualis modíficas de su caminu de su metanodotu. “In calisiollat logu ddu ponis – si ligit in sa nota – cussu tubu in Sardìnnia fait comentisiollat dannus”. A s’apellu arrespundit luegu Silvio Lai, segretàriu regionali de su Pd, chi de su giassu personali suu narat ca eja a su metanodotu e pretzisat ca su Guvernu D’Alema est su babu de su Galsi: “A su contràriu de cantu si narat s’òpera no nascit cun sa Giunta Pili, ma giai cun su Guvernu D’Alema in su 1999 candu si previdiat in deretura s’ipótesi de una provista po sa Sardìnnia”. Sighi a ligi ‘Galsi. Comitau “NoGasdotto”: “Sa política nerat de cali parti stait”. Lai (Pd): “Obietivu strategicu su babu beru est D’Alema”’

Su movimentu Contra a Equitalia in pratza cun sa bandela de s’artículu 51, aMpI: “Indipendentistas acotzint sa proposta de Zuncheddu”

(IlMinuto) – Casteddu, 24 de su mesi de ledàminis – Su pópulu Contra a Equitalia cabat in pratza in “sa diri de sa scidadura”. Su 10 de su mesi de totussantus chi benit, cun proposta de su Movimentu “Artigiani e Commercianti Liberi”, in Casteddu ddoi at a essi una manifestada manna. S’atopu est po is 8.00 a faci de sa Regioni in s’arburada Trento. “Unius – acrarant is aprontadoris – si podit totu”. Su movimentu Contra a Equitalia pedit de torrai a oberri sa contienda intradas, s’aprontadura de is “zonas liberas de is pagamentas” e s’arreconnoscimentu de su “stadu de crisi”. Is aprontadoris faint una bandela de s’artículu 51 de su Statutu ispeciali de sa Sardìnnia. Claudia Zuncheddu, difatis, in is diris passadas iat pediu cun d-una interrogatzioni a Ugo Cappellacci, s’ apricu de custu artículu. Sa norma previdit chi sa Giunta regionali pedat a su stadu italianu sa suspensioni de is provedimentus dannosus po s’ecunumia de s’Ísula. Sa proposta “Contra a Equitalia” benit arregorta de a Manca pro s’Indipendentzia, chi pedit a totus is indipedentistas de aprobiai asuba de custu puntu. Sighi a ligi ‘Su movimentu Contra a Equitalia in pratza cun sa bandela de s’artículu 51, aMpI: “Indipendentistas acotzint sa proposta de Zuncheddu”’

Teatru: in scena “Totus is Caboris de su Scoriu” 2011

(IlMinuto) – Casteddu, 24 de su mesi de ledàminis – “Acuntendeusì a nai ca su teatru, comenti sa vida, est unu bisu, chentza de donai importu meda sa faba”. (Jean-Louis Barrault)

Puru in su 2011 “Totus is Caboris de su Scoriu” torrat in teatru. S’ispetàculu, aprontau de s’Assótziu “Figli d’Arte Medas”, s’insertat in sa XVII Editzionis de Famílias de Arti e at a cumentzai sàbudu 29 de su mesi de ledàminis e at a sighiri a andai in scena finatzas a gióbia 24 de su totussantus. Sighi a ligi ‘Teatru: in scena “Totus is Caboris de su Scoriu” 2011′