> Avenimentus: in su T-Hotel cuferéntzia po chistionai de “Políticas po is Giòvanus po s’acrescimentu de Casteddu” « ilMinuto – notizie Mediterranee – edizione Sardegna

Avenimentus: in su T-Hotel cuferéntzia po chistionai de “Políticas po is Giòvanus po s’acrescimentu de Casteddu”

(IlMinuto) – Casteddu, 3 de su mesi ledàminis – S’at a tenni oi, a is 16.00, in sa saba Cuferéntzias de su T-Hotel, in bia de is Giudicaus in Casteddu, sa cuferéntzia “Políticas po is Giòvanus po s’acrescimentu de Casteddu- s’isfida po una Tzitadi noa”. S’avenimentu, aprontau de TDM 2000, AEGEE Casteddu, YouSardinia, Unica 2.0, “CNGI Confesercenti”, CGIL Casteddu, Fundatzioni “Terra di Sardegna”, bolit essi – si ligit in d-una nota – “unu mamentu de cunfrontu chi, partendi de su patrimóniu de is esperiéntzias fatas de cussus etotu, si potzat fai una avansada de atzionis cuncretas in faori de su mundu casteddaiu de is giòvanus”. In sa cuferéntzia “Políticas po is Giòvanus po s’acrescimentu de Casteddu”, ant a fueddai is resposàbilis istitutzionalis de is Políticas po is Giòvanus de sa tzitadi, ia rapresentantis de is assótzius e is cumitaus de su cumpartu.

© RIPRODUZIONE RISERVATA

0 Arrespustas a “Avenimentus: in su T-Hotel cuferéntzia po chistionai de “Políticas po is Giòvanus po s’acrescimentu de Casteddu””


Is cummentus funt serraus.