> Lei 44: sa Regioni firmat sa torradura de is agiudus. Satisfatzioni de Coldiretti « ilMinuto – notizie Mediterranee – edizione Sardegna

Lei 44: sa Regioni firmat sa torradura de is agiudus. Satisfatzioni de Coldiretti

(IlMinuto) – Casteddu, 12 de su mesi de ledàminis – Nova bella po sa pesadilla chentza de fini de sa lei 44 de su 1988. In abetu de “solutzionis possíbilis de propòniri in domu europea”, sa Giunta at firmau – cun d-una delíbera aprovada su 23 de su mesi cabudanni passau – is proceduras de torradura de is agiudus donaus tempus fait a is massajus”. Scéti pagu mesis fait sa Regioni iat donau un’arrespusta diversa, imbiendi 5milla abisus de pagamentas a is massajus sardus trisinaus in s’acontéssia, po 31 milionis de eurus in totu. Sa Coldiretti si ndi prexat de s’arrasurtau otentu asuba de sa torradura de is agiudus de sa lei 44. “A pustis de 20 annus de prumissas segadas – narat su presidenti de Coldiretti Sardìnnia, Marco Scalas – podeus nai cun satisfatzioni manna ca su Presidenti Cappellacci e s’Assessori Cherchi, cun sa firmada de is incàscius e s’impínniu cuncretu in sa resolutzioni definitiva de sa chistioni acapiada a sa lei 44 de su 1988, ant amostau de nci tenni diaderus a sa sorti de 5milla aziendas agriculas sardas”.

© RIPRODUZIONE RISERVATA

0 Arrespustas a “Lei 44: sa Regioni firmat sa torradura de is agiudus. Satisfatzioni de Coldiretti”


Is cummentus funt serraus.