> Martza po sa paxi: in caminu de Gesturi a Làconi po ca no a is tzerachias militaris e a is radar « ilMinuto – notizie Mediterranee – edizione Sardegna

Martza po sa paxi: in caminu de Gesturi a Làconi po ca no a is tzerachias militaris e a is radar

(IlMinuto) – Casteddu, 18 de su mesi de ledàminis – Est lompia a sa décima editzioni sa “Martza sarda po sa paxi”. Ocannu sa manifestada s’at a fai domínigu 23 de su mesi de ledàminis, cun tucada de Gesturi a is 12.00 e apróliu a is 16.30 in sa pratza tzentrali de Làconi, innui ddoi ant essi is relatus de is rapresentantis de is entis e de is assótzius chi ant a pigai parti a sa cosa. Ocannu puru is aprontadoris de su Cordinamentu de sa Mesa sarda de sa paxi ant a martzai “contra a is tzerachias militaris chi ingribiant a s’Ísula”. “Teniaus arrexoni – si ligit in d-una nota de imprenta – candu fueddiaus contra a is poligonus militaris chi betint maladias e morti […].“Teneus arrexoni – pretzisat su Cordinamentu de sa Mesa sarda de sa paxi – oi puru a pediri beridadi e giustítzia in sa sighidura de is averiguatzionis, teneus arrexoni a abarrai a su costau de is comunidadis e de is síndigus in lota contra a su fàbricu de is radar”.

© RIPRODUZIONE RISERVATA

1 Arrespusta a “Martza po sa paxi: in caminu de Gesturi a Làconi po ca no a is tzerachias militaris e a is radar”


Is cummentus funt serraus.