> Militarizatzioni. Su Tar bullat a is radars: “A su primu postu s’amparu de sa saludi” « ilMinuto – notizie Mediterranee – edizione Sardegna

Militarizatzioni. Su Tar bullat a is radars: “A su primu postu s’amparu de sa saludi”

(IlMinuto) – Casteddu, 11 de su mesi de ledàminis – Is traballus po su fàbricu de is radar de “Capo Pecora”, Frùmini Mayori e Tresnuraghes funt blocaus fintzas a su 21 de su mesi de gennàrgiu de su 2012, diri de sa senténtzia. Est cantu detzidit unu pragoni publicau in is diris passadas de su Tar Sardìnnia, cun satisfatzioni manna de is Comitaus No Radar de s’Ísula. “Su giugi aministrativu – si ligit in su giassu NoRadarCapoSperone – donat a su Ministeru e a sa Regioni una letzioni de diritu costitutzionali e de tzivilidadi giurídica”. Su puntu 1 de sa senténtzia narat in manera crara ca “s’interessu natzionali” in su fàbricu de is radar “arruit ainnantis de un’interessu prus mannu, su de su públicu po s’amparu de sa saludi”.

Su movimentu No Radar si ndi prexat (Agoa de custu pragoni – si ligit in su giassu – is radas funt spaciaus”), ma cumbidat a sighiri sa lota fintzas a sa senténtzia.

© RIPRODUZIONE RISERVATA

0 Arrespustas a “Militarizatzioni. Su Tar bullat a is radars: “A su primu postu s’amparu de sa saludi””


Is cummentus funt serraus.