> Misteriosu iscópiu in su mari de Sant’Eru. Irs: “Tocat fai craresa asuba s’acontessia grai” « ilMinuto – notizie Mediterranee – edizione Sardegna

Misteriosu iscópiu in su mari de Sant’Eru. Irs: “Tocat fai craresa asuba s’acontessia grai”

(IlMinuto) – Casteddu, 21 de su mesi de ledàminis – Unu sciumbullu e una colunna de àcua de pagu prus de 60 metrus in su mari de sa Sardìnnia. A cantu narat genti meda funt custus is efetus de su misteriosu iscópiu sutamarinu acontéssiu domínigu passau, a faci de mesudì, in is àcuas de Sant’Eru. Asuba de sa cosa fueddat cun d-una nota Irs Aristanis, pedendi chi “si fatzat luxi cantu primu asuba de custa acontéssia grai meda”. Su tretu de mari interessau de s’iscópiu – si ligit una nota fata connosci de sa scuadra indipendentista – “no est atesu de s’arenàrgiu de Is Arenas, aundi in su mesi de cabudanni de su 2009, fut agatau, a 11 metrus de profundidadi, unu blocu […] longu 77 metrus”. Duus annus fait sa Capitaneria de Portu escludiat essi unu restu de su sutamarinu “Veniero II”, afundau in su beranu de su 1942 in su mari intre sa Sardìnnia e is Ísulas Balearis.

© RIPRODUZIONE RISERVATA

1 Arrespusta a “Misteriosu iscópiu in su mari de Sant’Eru. Irs: “Tocat fai craresa asuba s’acontessia grai””


Is cummentus funt serraus.