> Petróliu. Interrogatzioni apretosa de ProgRes asuba su Progetu Lianora « ilMinuto – notizie Mediterranee – edizione Sardegna

Petróliu. Interrogatzioni apretosa de ProgRes asuba su Progetu Lianora

(IlMinuto) – Casteddu, 14 de su mesi de ledàminis – Su Progetu Lianora at a intrai luegus in su Consillu provìntziali de Aristanis. Su rapresentanti de ProgRes in s’assembrea, Sebastian Madau, at a presentai cantu primu un’interrogatzioni apretosa asuba de s’intentzioni de sa Saras de cumentzai sa circa de su petróliu in Arborea cun d-unu putzu “esplorativo”. “Sa Saras – si ligit in d-unu comunicau de ProgRes asuba de su Rrogetu Lianora – est intentzionada a trivellai in d-un’area de 4.430 étarus aintru de sa Provìntzia de Aristanis, cun su fàbricu de unu putzu in d-unu bellu tretu de su Comunu de Arborea, no atesu meda de su Situ de Interessu Comunitàriu […] de S’Ena Arrubia, area ambientali amparada innui nidificat sa gentarrúbia. A  ingíriu de unu chilómitru biedus su campegiu comunali, sa marina de Arborea, e tanti domus colonicas e, acanta de su putzu, is terras de sa messarítzia e de s’allevamentu”.Sa scuadra indipendentista espressat dúbius mannus e denuntziat a s’auséntzia de scedas e a is perígulus po s’ambienti e s’ecunumia. “Torrendi a batiai su progetu Lianora, s’azienda de is Moratti circat de donai una faci identitaria e bella a un’operatzioni chi – pretzisat ProgRes – est pagu trasparenti […] e lasssat obertus medas interrogativus […]“.

© RIPRODUZIONE RISERVATA

0 Arrespustas a “Petróliu. Interrogatzioni apretosa de ProgRes asuba su Progetu Lianora”


Is cummentus funt serraus.