> Petróliu in s’aristanesu: Irs narat ca no a su putzu de sa Saras | ilMinuto

Petróliu in s’aristanesu: Irs narat ca no a su putzu de sa Saras

(IlMinuto) – Casteddu, 10 de su mesi de ledàminis – “Un’àtera proa de sdorrobu de sa terra nostra”. Aici s’Irs Aristanis fueddat atressu de unu comunicau de imprenta de sa dimanda fata de sa Saras po circai su petróliu cun d-unu putzu – lamau “esplorativo” – in s’aristanesu. “Casumai sa Saras iat otenni is lisséntzias regionalis chi pedit – scririt Irs – unu tretu agriculu de 4.430 ètarus de importu mannu intre is comunus de Sant’Eru, Tramatza, Sabarussa, Marrùbiu, Acidrànu e Àrbus, iat a benni stuprau de su traballu de bocatura de is barrinas, a sa circa de su petróliu”.Po s’organizatzioni indipendentista su traballu chi bolit fai sa Saras iat a corpiri “in modu mortali a is echilíbbrius delicaus […] intre s’ómini e s’ambienti”.

© RIPRODUZIONE RISERVATA

0 Arrespustas a “Petróliu in s’aristanesu: Irs narat ca no a su putzu de sa Saras”


Is cummentus funt serraus.