> Petróliu. Zirichiltaggia narat ca no a su putzu Saras: “Única seguresa sa destrossa ambientali” « ilMinuto – notizie Mediterranee – edizione Sardegna

Petróliu. Zirichiltaggia narat ca no a su putzu Saras: “Única seguresa sa destrossa ambientali”

(IlMinuto) – Casteddu, 13 de su mesi de ledàminis – Aumentant is boxis chi funt contra a su progetu chi de sa Saras de cumentzai sa circa de su petróliu in su territóriu de Arborea cun d-unu putzu “esplorativo”. Puru po s’Assótziu culturali Zirichiltaggia su putzu no si depit fai. Sa família Moratti - acrarat s’Assótziu in d-una nota scrita de Edoardo Cossu – at presentau sa dimanda a sa Regioni po otèniri su permissu aviai is traballus, ma no ddoi est nisciuna seguresa chi ddoi siat su petróliu in su territóriu e “puru si siat detzídiri de cumentzai a pertusai chentza de agatai nudda chi parrit oru nieddu, eus a assisti a un’àtera destrossa de sa Sardìnnia”.Arborea – acrarat s’Assótziu chi est contra a su putzu Saras – aghillit “unu númeru mannu de atividadis agriculas, atividadis chi s’agatant in assentu bonu cun s’ambienti e chi funt una bella fita de s’ecunumia de s’Ísula”. “No podeus prus permiti chi un’àteru logu, po su prus de importu mannu po sa produtzioni nostra, bengat sfrutau scéti po interessus – narat Cossu critichendi a su progetu Saras – chi pagu o nudda tenit che fai cun is abbisóngius de sa genti e cun sa chi iat a depi essi s’ecunomia sarda”.

© RIPRODUZIONE RISERVATA

0 Arrespustas a “Petróliu. Zirichiltaggia narat ca no a su putzu Saras: “Única seguresa sa destrossa ambientali””


Is cummentus funt serraus.