> Política. ProgReS: “Su síndigu Zedda copiau su programa nostru (liendi su sardu)” | ilMinuto

Política. ProgReS: “Su síndigu Zedda copiau su programa nostru (liendi su sardu)”

(IlMinuto) – Casteddu, 7 de su mesi de ledàminis – “Satisfatzioni manna po is dichiaras fatas, su 28 de su mesi de cabudanni passau, de su síndigu de Casteddu Massimo Zedda asuba de su programma de cussu etotu”. Custu est su pentzu de ProgReS asuba de su progetu chi su síndigu tenit po Casteddu. Unu progetu chi perou, a cantu narat s’organizatzioni indipendentista iat essi “casi aguali” a su presentau a is comunalis de Ornella Demuru, candidau de ProgReS a síndigu. “In sa gara eletorali – si ligit in d-una nota publicada de su Cordinamentu Tzitadinu Casteddu – s’alleàntzia chi acotzàt a Massimo Zedda iat presentau unu programa casi aguali a cussu chi ProgReS iat giai fatu connosci a sa genti”.Po essi pretzisus ProgReS acusat a s’alleàntzia de Zedda de ai fatu traballu de “cópia e apiciga” a pagus diris de su segundu turnu eletorali, presentendi unu “progetu de programa aprontau mellus de cussu presentau primu”. Unu traballu de “cópia e apiciga” chi ndi liat perou a is política po sa lígua sarda. Fortzis – po ProgReS – sa de Zedda “est stétia una faddina o capatzu chi siat sa cosseguéntzia de unu pentzu ideòlogicu italianu po su cali su patrimóniu linguìsticu de sa natzioni sarda no minescit s’interventu de sa política”.

© RIPRODUZIONE RISERVATA

0 Arrespustas a “Política. ProgReS: “Su síndigu Zedda copiau su programa nostru (liendi su sardu)””


Is cummentus funt serraus.