> Iscola: assoltu su sindacalista Cobas Nicola Giua. In su 2007 si furiat incadenau in Palatzu Chigi | ilMinuto

Iscola: assoltu su sindacalista Cobas Nicola Giua. In su 2007 si furiat incadenau in Palatzu Chigi

(IlMinuto) – Casteddu, 7 de su mesi de ledàminis – Su 4 de su mesi de làmpadas de su 2007, Nicola Giua, dirigenti sardu de is Cobas, si furiat incadenau in s’arreciada de una fentana de Palatzu Chigi, in Roma, po protestai contra a sa mudesa de su Guvernu Prodi asuba de s’isciòpiru de su fàmini po is diritus sindacalis, cumentzau de giai 48. Is fortzas de s’órdini furiant intervennias cun sa fortza segendi sa cadena (40 diris de curas po su sindacalista sardu) e iant denuntziau a Giua po ai fatu arresesténtzia “cun fortza”. Cenàbara passau, a cuàturu annus e prus de is fatus de su 2007, su rapresentanti de is Cobas est stétiu assoltu, aici comenti iant dimadau difesa e acusa.“Cun custa senténtzia – si ligit in d-una nota sindacali – benint cunfirmaus su diritu a su scuncórdiu e su diritu de podi manifestai in libertadi, i est provau puru ca in sa manifestada de su 2007 is Cobas iant manifestau in modu paxiosu e tzivili”.

© RIPRODUZIONE RISERVATA

0 Arrespustas a “Iscola: assoltu su sindacalista Cobas Nicola Giua. In su 2007 si furiat incadenau in Palatzu Chigi”


Is cummentus funt serraus.