> Sit in contra a su irminorigamentu de is consilleris regionali. “Ant essi elìgius scéti is chi ant essi inditaus de is partitus italianus” « ilMinuto – notizie Mediterranee – edizione Sardegna

Sit in contra a su irminorigamentu de is consilleris regionali. “Ant essi elìgius scéti is chi ant essi inditaus de is partitus italianus”

(IlMinuto) – Casteddu, 12 de su mesi de ledàminis – Sa proposta de amenguai a su númeru de is consilleris regionalis de 80 a 60, oi torra a s’esàminu de s’assembrea de bia Roma, est scéti una manera de ndi liai a sa de demogratzia chentza de amenguai is privilégiu e is costus de sa política. Est cantu denuntziat cun d-una nota de imprenta Sardigna Natzione Indipendentzia. In ocasioni de s’esàminu de sa proposta de s’àula, sa scuadra indipendentista at aprontau unu sit in de “Vardania democratica” a faci de su Consillu regionali. S’atopu est in s’apustipràngiu de oi e in su cras, a cumentzai de is 15.00.

Sni no est contra a s’irminorigamentu de is costus de su “palatzu” – proponit difatis de no donai a is consilleis regionalis prus de 5milla eurus a su mesi -, ma narat ca no a s’irminorigamentu de sa rapresentàntzia política in su territóriu. “Is elìgius – narat Sni – ant essi totus de sa provìntzia de Casteddu e Tàtari e calencunu de sa de Terranòa-Tèmpiu. No scéti, ant essi consilleris regionalis scéti is inditaus de is partidus italianus e de issus asugetaus e alleaus”.

© RIPRODUZIONE RISERVATA

0 Arrespustas a “Sit in contra a su irminorigamentu de is consilleris regionali. “Ant essi elìgius scéti is chi ant essi inditaus de is partitus italianus””


Is cummentus funt serraus.