> “Boleus sa bonífica”. Cras in Igrèsias sit in de is Comitaus e assótzius po denuntziai s’impestadura de sa Portovesme. Partecipatzioni de aMpI « ilMinuto – notizie Mediterranee – edizione Sardegna

“Boleus sa bonífica”. Cras in Igrèsias sit in de is Comitaus e assótzius po denuntziai s’impestadura de sa Portovesme. Partecipatzioni de aMpI

(IlMinuto) – Casteddu, 13 de su mesi de ledàminis – Nai torra ca no a s’arruina ambientali in su tretu industriali de Portovesme. Cun custu obietivu is assótzius e is comitaus cívicus de su Surcis Igresienti (Adiquas Nuraxi Figus, Comitau “Carlofortini Preoccupati”, Portoscuso Libera) ant aprontau po cras a is 9.30 unu sit in a faci de sa domu de sa Provìntzia de bia Argentaria, in Igrèsias. A sa mobilitada at a pigai parti puru aMpI. Is manifestantis pedint “sa bonífica e su mudamentu industriali e funt contra a s’impitu de su territóriu po is muntronaxu industrialis”.Po su prus is aprontadoris denuntziant “sa política aministrativa e sindacali ca de annus meda impitat s’arrecatu de pérdida de is postus de traballu” po otèniri su cunsensu a fainas chi arregallant “sa destrossa de su territóriu”. “Est difatis de 40 annus – acrarat a Manca pro s’ Indipendentzia – ca is fàbricas chi s’agantant in Portovesme produsint chentza de pàsiu fumus noxilis e pruini chi si depositat impestendi terras e mitzas, lassendi puru arrefudus industrialis chi benit amuntonaus in muntronaxus sèmpiri prus mannus”. Una impestadura chi fait dannus mannus a sa saludi de is tzitadinus e chi si bit – pretzisat aMpI – “de su númeru mannu de tumoris e de strumíngius naturalis chi s’avreguant in s’area” de Portovesme.

© RIPRODUZIONE RISERVATA

0 Arrespustas a ““Boleus sa bonífica”. Cras in Igrèsias sit in de is Comitaus e assótzius po denuntziai s’impestadura de sa Portovesme. Partecipatzioni de aMpI”


Is cummentus funt serraus.