(IlMinuto) – Casteddu, 29 de su mesi de totussantus – Sighit de su 7 de su mesi de totussantus su pichetu fissu de pópulu sardu in Casteddu, in sa pratza chi s’agat a faci de sa domu de sa Regioni Sardigna in s’arburada Trentu. Sa cosa – si ligit in d-una nota – “nascit po donai a totu su pópulu sardu sa possibilidadi de si uniri e de tzerriai a boxi manna ca SA SARDIGNA NO EST TERRA DE CONCHISTA e po otèniri s’apricu de s’Art. 51 de su Statutu”. Sighi a ligi ‘“Pichetu de su pópulu sardu”: de su 7 de su mesi de totussantus in s’arburada Trentu po pediri s’apricu de s’artículu 51′
Archìviu de mes'e totussantus 2011
(IlMinuto) – Casteddu, 29 de su mesi de totussantus – “Si funt presentaus in noi po bogai una família de Rom aghillia de unu privau, in su comunu de Ceraxius, chentza nisciunu mandau, arrefudenti de si fai identificai e de donai calisisat verbali de s’atzioni” Est cantu narat cun d-unu comunicau de imprenta su presidenti de s’Assótziu sardu contra a s’isolamentu (Asce), Antonello Pabis, chi at denuntziau su comandanti de sa Politzia munitzipali de su comunu in provìntzia de Casteddu po su modu de interventu, acontéssiu su mangianu de su 3 de su mesi de totussantus, chi at biu protagonistas unus cantu de Vigilis urbanus e àterus duus dipendentis de s’aminitratzioni comunali. Su fatu (chi s’Asce definit “s’úrtimu atu de una fibera longa de amaletzus de parti de su comunu Ceraxius contra a su meri de su terrenu po fai stresiai a sa família Rom” est stétiu sinnalau puru a Amnesty International. Sighi a ligi ‘Chistioni Rom: s’Asce su cumandanti de sa Politzia munitzipali de Ceraxius’
(IlMinuto) – Casteddu, 29 de su mesi de totussantus – Primu adesionis a sa manifestada No Galsi–No Pozzo Saras de sàbudu 10 de su mesi de paschixèdda, in Casteddu. In pratza de is Centumilla ddoi ant essi is tzitadinus de sa Gaddura de su grupu facebook “Tutti i sardi contro il Galsi”, chi funt aprontendi una tucada totus impari de Terranòa. A s’atopu casteddaiu at pigai parti puru “Tutti i sardi contro il Galsi”, chi fuddendi de su Galsi narat ca est “àteru istrópiu de su territóriu sardu, poita, ant nd’ant a fai is ispesas is areas archeológicas, arrius e montis chi s’ant a agatai in su caminu de custu caboru de aciarxu. No scéti. Su progetu at essi un’àteru marcu de impositzioni coloniali italina, in cumbutu cun àterus istadus”. Sighi a ligi ‘“Tzerriaus impari”. Primus adesionis a sa manifestada No Galsi de su 10 de su mesi de paschixèdda’
(IlMinuto) – Casteddu, 29 de su mesi de totussantus – Circai e fotografai logus o avenimentus acapiaus a sa traditzioni de Sant’Antiogu, avenimentus e logus zustus po essi tramudaus in set po su tzínema. Est su cumbidu chi su cuncursu fotogràficu “Un’isola per una location” fait a is professoneris e a is amantis de sa fotografia. Su bandu si sboddiat in tres setzionis: Archeologia, Ambienti, Biddas e Avenimentus. Is bincidoris de is tres categorias, autoris de is màginis prus bellas de Sant’Antiogu, ant a arriciri unu prémiu de 500 eurus in istrumentus po sa fotografia. Sighi a ligi ‘Fotografia: is màginis prus bellas de Sant’Antiogu in su cuncursu “Un’isola per una location”’
(IlMinuto) – Casteddu, 29 de su mesi de totussantus – At essi un’atopu intre podusidoris, amantis e amigus du su caminu curtzu su de sa “Prima Giornata del Cibo Locale” aprontada de Sardegnafilieracorta in programa po domínigu 4 de su mesi de paschixèdda in su Parcu de Bunnari, in s’Arruga ‘Vicinale’ Bunnari n. 15 Tàtari. Sa “Prima Giornata del Cibo Locale” at a donai is bisitadoris sa possibilidadi de pigai is cosas in deretura de is produsidoris a “unu prétziu incurtzau”. Sighi a ligi ‘Avenimentus: in su Parcu de Bunnari sa “Prima Giornata del Cibo Locale”’
(IlMinuto) – Casteddu, 28 de su mesi de totussantus – Su 14 de su mesi de paschixèdda in Roma ddoi at essi sa cuferéntzia de is serbítzius chi at a podi donai su permissu a su Galsi, est a nai a s’úrtima autorizatzioni a su fàbricu de su metanodotu. Pagus diris primu, su 10 de su mesi de paschixèdda, in Casteddu (10.30, pratza de is Centumilla), ddoi at essi una manifestada natzionali po nai ca no a su Metanodotu Algeria Itàlia Sardìnnia e po frimai su progetu po bogai su metanu in Arborea bófiu de sa Saras. Sa manifestada “No Galsi-No Pozzo Saras” est promòvia de a Manca pro s’Indipendentzia. “Sa Sardìnnia – si ligit in d-una nota de imprenta de aMpI – at essi una ‘tzerachia de passada’ útili scéti a s’Itàlia, a s’Europa e a sa Russia. Is amigus de su metanodotu si narant ca est un’ocasioni manna po sa Sardìnnia, ma ligendi is documentus ufitzialis eus cumprendiu ca est scéti un’àtera arréula, biu ca is sardus no ant a tenni diritus apitzus de sa gestioni de su gas e biu puru ca ddu ant a depi pigai a prétziu de mercau. Su Galsi at essi un’òpera manna meda e sa Sardìnnia, in matéria, no at a podi nai nudda”. Sighi a ligi ‘Galsi: su 10 de su mesi de paschixèdda in Casteddu manifestada “No Gasdotto a pagus diris de su permissu po cumentzai s’òpera”’
(IlMinuto) – Casteddu, 28 de su mesi de totussantus – Diri de protesta in Roma po su Movimentu Pastoris Sardus. Cras a mangianu Mps at pigai parti cun is arrapresentantzias de Sicilia, Toscana, Laziu e Abrutzu a unu sit in aprontau po su Forum de Roma (Tzentru Cungressus Palatzu Rospigliosi, 9.00) cun sa preséntzia de su cummissàriu europeu a sa Messarítzia e s’Isvilupu Rurali, Dacian Ciolos, de su ministeru a is Políticas Agriculas, Mario Catania, e de su vicepresidenti de sa comissioni messarítzia de su senau, Paolo De Castro. Sighi a ligi ‘Pastoria: cras sit in Mps in su Forum de Roma’
(IlMinuto) – Casteddu, 28 de su mesi de totussantus – 28 film de 24 línguas de minoria in concursu: funt custus is númerus de sa segunda editzioni de su Babel Film Festival, in programma in Casteddu de oi a su 3 de su mesi de paschixèdda. Sa manifestada at essi oberta custu merì a is 18.00 in su tzínema Odissea de s’arburada Triesti. Agoa de sa presentada de su Festival e de su saludu de is autoridadis, a is 20.00 at essi fatu biri po sa primu borta, totu su film Sonetàula, de Salvatore Mereu. Sa proietzioni at essi intrada de su regista etotu, bincidori de su Babel. Sighi a ligi ‘Tzínema: 24 línguas de minoria in sa segunda editzioni de su Babel Film Festiva’
Social
