> “Tocat a dda acabbai cun su precariau”, 363 de Cesil e Csl arriscant de perdi su traballu a fin’e annu « ilMinuto – notizie Mediterranee – edizione Sardegna

“Tocat a dda acabbai cun su precariau”, 363 de Cesil e Csl arriscant de perdi su traballu a fin’e annu

(IlMinuto) – Casteddu, 8 de su mesi de totussantus – 363 traballadoris a is serbítzius po su traballu de is Provìntzias e de is comunus sardus, Cesil e Csl, arriscant de diventai disimperaus a sa fini de su 2011. Est cantu denutziat una nota fata connosci de is traballadoris precàrius de is serbítzius po su traballu de sa Sardìnnia. “Biu su tassu de disimpreu de Cesil e Csl – si preguntaus poita sa Regioni no afortit is istrumentus útilis in matéria de política ativas po su traballu e s’ocupatzioni, cumentzendi a donai unu bellu esémpiu: ‘stabilizzando’ is próprius precàrius!”. “Difendi is postus de traballu – pretzisat sa nota – est difendi puru is serbítzius públicus po su traballu […]. Difatis funt is Cesil e is Csl is furriadroxus de is disimperaus, cassintegraus, furesteris e de totus is chi cicant un’impreu”.

© RIPRODUZIONE RISERVATA

0 Arrespustas a ““Tocat a dda acabbai cun su precariau”, 363 de Cesil e Csl arriscant de perdi su traballu a fin’e annu”


Is cummentus funt serraus.