> “Bruno est líberu”. Giua (Cobas iscola): “Stadu crueli cun chini pretendit s’indipendentzia” | ilMinuto

“Bruno est líberu”. Giua (Cobas iscola): “Stadu crueli cun chini pretendit s’indipendentzia”

(IlMinuto) – Casteddu, 22 de su mesi de totussantus – “Prexu mannu meda po sa libertadi torrada”. Cun custus fueddus Nicola Giua de is Cobas Sardìnnia comentat sa senténtzia de assolutzioni de Bruno Bellomonte de sa Corti de Assise de Roma. De ses diris Giua – afiancau de Antonello Tiddia e de àteras personis – iat cumetzau un’isciòpiru de su fàmini in solidariedadi a s’indipendentista presoneri de a Manca, interrumpiu agoa de s’assolutzioni de ariseru. “Benit smuntau aici – scririt Giua – su teorema chi acusàt a Bruno de amanitzai ‘calencuna cosa de malu’ po su G8 de Sa Madalena”. Comenti aMpI, puru Giua no si ndi scarescit de Luigi Fallico, mortu in presoni su 23 de su mesi de maju, e concluit: “Ddoi at essi tempus po chistionai de sa malesa chi su stadu impitat cun chini pretendit paridadi o, in custu casu s’indipendentzia de sa própriu terra”.

© RIPRODUZIONE RISERVATA

0 Arrespustas a ““Bruno est líberu”. Giua (Cobas iscola): “Stadu crueli cun chini pretendit s’indipendentzia””


Is cummentus funt serraus.