> 2011 mes’e totussantus 01 | ilMinuto

Archíviu de sa diri 1/11/2011

Attilio contra a Attilio. Dedoni (Riformatori): “In s’Universidadi de Tàtari frimada totali de s’imparamentu in língua sarda”

(IlMinuto) – Casteddu, 1 de su mesi de totussantus – In s’Universidadi de Tàtari ddoi est sa “frimada totali in s’imparamentu de sa língua sarda e in s’imparamentu in língua sarda”. Est cantu denuntziat publicamenti su consilleri regionali Attilio Dedoni cun d-una lítera imbiada a su Retori de s’Ateneu tataresu Attilio Mastino. Po Dedoni s’Universidadi de Tàtari no iat at ai aplicau su Pranu triennali 2008-2010 asuba de sa língua sarda, comenti invecis iat ai fatu s’Ateneu casteddaiu. “Comenti rapresentanti de su pópulu sardu [...] – pretzisat, su rapresentati de is ‘Riformatori sardi’ – tengu s’iscopu de trubai scéti iis indiritzus aprous cun democratzia de sa Regioni Autónoma de sa Sardìnnia”. Sighi a ligi ‘Attilio contra a Attilio. Dedoni (Riformatori): “In s’Universidadi de Tàtari frimada totali de s’imparamentu in língua sarda”’

(Italiano) Documento: PETIZIONE BILINGUE Al Rettore dell’Università di Sassari e Al Presidente della Regione Sarda

Sighi a ligi ‘(Italiano) Documento: PETIZIONE BILINGUE Al Rettore dell’Università di Sassari e Al Presidente della Regione Sarda’

Sicori. Floris (Mps): “Destrossa manna po totu sa Sardìnnia”

(IlMinuto) – Casteddu, 1 de su mesi de totussantus – Su sicori de su 2011 at fatu dannu mannu a sa messarítzia e a sa pastoria de sa Sardìnnia. Est cantu denuntziat cun d-una nota Felice Floris, rapresentanti de su Mps. “In is satus – denuntziat Floris – sa cosa est posta mali meda, is campus funt sicus e is bestias funt inserradas in is acorrus in cunditzionis piedosas e is provistas de su musúngiu funti spaciendi. Unu sicori chi, po Mps, at fatu unu “dannu chentza de torrada”. Sighi a ligi ‘Sicori. Floris (Mps): “Destrossa manna po totu sa Sardìnnia”’

“Cun sa denúntzia a Repetto bolint fai a timi a su movimentu no radar”. Sit in de solidariedadi in “Capo Sandalo”

(IlMinuto) – Casteddu, 1 de su mesi de totussantus – Espressai solidariedadi a Antonello Repetto, su militanti No Radar denutziau po ai postu una bandera de sa paxi in “Capo Sandalo”, innui est in programa su fàbricu de unu radar de sa retza Vis de sa Guardia Costera. Est po custu chi su Cumitau No Radar Sardìnnia at aprontau po custu mangianu a is 10.30 unu sit in Carluforti, própriu a faci de s’area innoi bolint fabricai su radar militari. Sighi a ligi ‘“Cun sa denúntzia a Repetto bolint fai a timi a su movimentu no radar”. Sit in de solidariedadi in “Capo Sandalo”’

Karate: un’oru e duus brunzus po su Kanazawa Cuartu a is campionaus Jka in Concorezzo

(IlMinuto) – Casteddu, 1 de su mesi de totussantus – Gara bella meda po sa Sardìnnia a is campionaus italianus “Japan Karate Association”: s’organizatzioni de su shotokan de importu prus mannu de su mundu. Domínigu passau, in su Palatzeddu de su Sport de Concorezzo (Milanu), sa scuadra de su Karate Club Kanazawa de Cuartu Sant’Aleni at difatis pigau un’oru e duas medàllias de brunzu. Simone Mocci at otentu su primu postu in su Kumite (cumbatimentu) intre is cumbatimentus tzintas de cabori de castanza, sa brasiliana Rosmary Machado est arribada a su terzu postu in su cumbatimentu tzintas nieddas de is féminas. Sighi a ligi ‘Karate: un’oru e duus brunzus po su Kanazawa Cuartu a is campionaus Jka in Concorezzo’