> 02 « mes’e totussantus « 2011 « ilMinuto – notizie Mediterranee – edizione Sardegna

Archíviu de sa diri 2/11/2011

Galsi. Sinistra Critica Sarda: “Cun su metanodotu bisestru assegurau”

(IlMinuto) – Casteddu, 2 de su mesi de totussantus – Funt sèmpiri prus numerosas is boxis contra a su fàbricu de su Galsi. Cun d-unu comunicau de imprenta Sinistra Critica Sarda arrespundit a s’apellu fatu a sa política de su Comitau ProSardegnaNogasgoddo in is diris passadas . “Nos – si ligit in sa nota – seus contra a su Galsi ‘chenza de fai gírius medas’”. Po su cordinamentu sardu de s’organizatzioni anticapitalista su Metanodotu Algeria Sardìnnia Itàlia ” promitit pagus profetus po sa Sardìnnia e is profetus chi ddoi ant a depi essi funt dubiosus meda”, ma afiantzat “su bisestru de benis ambientalis e archeológicus de Meridioni a Tramuntana, su perígulu de iscópius e fogus cunfirmau de sa tzacarrada mala meda de Tarsia in Calabria (10 de su mesi de fiàrgiu de su 2011), s’ocupatzioni de pagu prus de 30 milionis de metrus cuadrus de territóriu sardus, i dannus po sa messarítzia e su turismu”. Sighi a ligi ‘Galsi. Sinistra Critica Sarda: “Cun su metanodotu bisestru assegurau”’

“Isciòpiru de su fàmini de is presoneris palestinesus in is presonis israelianus”, cras atóbiu-dibàtidu in Casteddu

(IlMinuto) – Casteddu, 2 de su mesi de totussantus – Fueddai de is arraxonis de s’isciòpiru de su fàmini de is presoneris palestinesus in is presonis israelianus. Est custu s’obietivu de s’atóbiu-dibàtidu in programa po cras a merì in Casteddu – 17.30, àula magna de Isciéntzias políticas – aundi ant a chistionai Fawzi Ismail (Assótziu Sardìnnia Palestina), Irene Melis (Amnesty International) e Wasim Dahmash, profesori de língua e literadura araba. “De su 1967 – si ligit in d-una nota – funt 750milla is palestinesus passaus atressu de is presonis israelinus. A oi funt 11milla is presoneris políticus in Israeli (de custus 37 funt féminas e 257 minoris chi tenit prus pagu de 18 annus) e scéti 6 milla in presoni agoa de ai tentu unu protzessu”. Sighi a ligi ‘“Isciòpiru de su fàmini de is presoneris palestinesus in is presonis israelianus”, cras atóbiu-dibàtidu in Casteddu’

Ambienti: in Terraba aumentant is chi funt contra a su “Piano fasce fluviali”. Meloni (Paris) pedit is dimissionis de su Consillu comunali

(IlMinuto) – Casteddu, 2 de su mesi de totussantus – In Terraba amanniat su nono a is avincus prevìdius de su “Piano Stralcio delle fasce fluviali” de sa Regioni Sardìnnia a su fàbricu de edifitzius. Cenàbara passau in s’àula de s’Istitutu ténnicu de su comunu s’est tentu un’atopu istraordinàriu de su Consillu comunali, a sa cosa ddoi furiant puru tzitadinus meda. “Aministradoris de su logu e tzitadinus – si ligit in d-una nota de imprenta – impari po manifestai […] sa própriu arrealia a is avincus cumandaus de su pranu chi at fatu nàsci a su comitau promotori populari”. Asuba de sa chistioni fueddat puru Doddore Meloni de s’organizatzioni indipendentista Paris-Malu Entu, pedendi is dimissionis de su Consillu comunali de Terraba. Sighi a ligi ‘Ambienti: in Terraba aumentant is chi funt contra a su “Piano fasce fluviali”. Meloni (Paris) pedit is dimissionis de su Consillu comunali’

Parchegius in Cuartu: una petitzioni online po mudai su “Pranu firmada” de s’aministratzioni Contini

(IlMinuto) – Casteddu, 2 de su mesi de totussantus – Casi 180 firmas in pagus prus de 48 oras. Est custu su bilantzu de sa petitzioni online promòvia de su grupu “Pranu de sa firmada Cuartu S’Aleni”. S’arregorta firmas pedit mudíficas mannas a su pranu “So Stare a Quartu” aprovau su 25 de su mesi de gennàrgiu de su 2011 de su Consillu comunali e at essi presentada a su síndigu Mauro Contini in d-un’atóbiu cun comitaus e assótzius previdiu po cras. Su pranu – si ligit in sa petzioni – trasformat su tzentru de Cuartu “de logu de totus, in logu po is prus arricus”. Sighi a ligi ‘Parchegius in Cuartu: una petitzioni online po mudai su “Pranu firmada” de s’aministratzioni Contini’

“Comenti fai sa birra in domu. In Terranòa cursu de “Homebrewing”

(IlMinuto) – Casteddu, 2 de su mesi de totussantus – Letzionis de birra in Terranòa. Sàbudu 19 de su mesi de totussantus de is 9.30 a is 19.00, in su “Jamin-A Cafè ‘Officina degli Intenti’” de bia Barcellona, s’at a tenni su “Cursu ‘Homebrewing’- comenti fai sa birra in domu”. Is letzionis ant essi obertas a totu is personis chi bolint imparai a fai sa birra. Sighi a ligi ‘“Comenti fai sa birra in domu. In Terranòa cursu de “Homebrewing”’