> 2011 mes’e totussantus 03 | ilMinuto

Archíviu de sa diri 3/11/2011

Sport: in Casteddu su Portellitu de assistu po is disàbilis

(IlMinuto) – Casteddu, 3 de su mesi de totussantus – Nascit in Sardìnnia su primu Portellitu de aviamentu a su sport po disàbilis. Su progetu est fillu de su cumbéniu firmau intre sa Provìntzia de Casteddu e su Cumitau Provintziali Italianu Paralimpicu. De custu mamentu at essi su mantessi Portellitu provintziali po su sport a assegurai un’agiudu a is organizatzionis, a is operadoris, a is aministratzionis de su territóriu, a is aziendas e a is tzitadinus. Sighi a ligi ‘Sport: in Casteddu su Portellitu de assistu po is disàbilis’

“Sa lei asuba de su golf adat contra a sa costitutzioni” Sa denúntzia de su “Gruppo di intervento giuridico”

(IlMinuto) – Casteddu, 3 de su mesi de totussantus – Sa lei regionali asuba de su golf andat contra a sa costitutzioni, poita no arrespetat is cumpeténtzias statalis in matéria de amparu de s’ambienti e de su paisagiu. Est cantu narant cun d-una de imprenta su “Gruppo d’intervento giuridico”, is “Amici della Terra” e sa “Lega per l’Abolizione della Caccia”. Po custu su 25 de su mesi de ledàminis is tres assótzius ambientalistas ant imbiau un’abisu a su Ministru po is arraportus cun is Regionis, Raffaele Fitto, pedendi a su Guvernu de fai arrecursu a sa Corti Constitutzionali contra a sa lei regionali asuba de su golf 19 de su 2011. Sighi a ligi ‘“Sa lei asuba de su golf adat contra a sa costitutzioni” Sa denúntzia de su “Gruppo di intervento giuridico”’

“Imprea sa limba”, cumentzat su cursu de Lums e ProgReS

(IlMinuto) – Casteddu, 3 de su mesi de totussantus – Ocasioni noa po imparai a ligi, scriri, fueddai e povintzas po bisai in sardu. Funt difatis obertas is iscritzionis a “Imprea sa Limba”, su cursu de língua sarda aprontau de sa líbera Universidade Mediterrànea Sarda ProgReS Casteddu. Is letzionis de sardu s’ant a tenni in sa sedi natzionali de s’organizatzioni indipendentista – in bia Tèmpiu 27 in Casteddu – e ant essi obertas a totus. Sighi a ligi ‘“Imprea sa limba”, cumentzat su cursu de Lums e ProgReS’

Poligonus militaris: sàbudu in Teulada dibàtidu aprontau de “Gettiamo le basi” e Amparu

(IlMinuto) – Casteddu, 3 de su mesi de totussantus – “S’amparu giurídicu po sa genti e is militàris a arriscu po mori de is fainas de is poligonus”. At essi custu su tema de su dibàtidu aprontau de su comitau sardu Gettiamo le basi e de su comitau Amparu in programa sàbudu chi benit, in Teulada (saba Spiga, 17.00). In s’atopu – ghiau de su giornalista Walter Falgio – ant a fueddai sa boxi de su Comitau “Gettiamo le basi” Mariella Cao, is abogaus Giacomo Doglio e Valeria Farigu, su datori Luisella Caria, s’assessori a s’Ambienti de sa Provìntzia de Casteddu Ignazio Tolu e Elisa Monni de Amparu. Sighi a ligi ‘Poligonus militaris: sàbudu in Teulada dibàtidu aprontau de “Gettiamo le basi” e Amparu’

Presonis: In Isili “In viaggio per Itaca”

(IlMinuto) – Casteddu, 3 de su mesi de totussantus – At a sighiri su 9 e su 16 de su mesi de totussantus in su presoni de Isili “In viaggio con Itaca”, sa fibera de atopus aprontada de su Presídiu de su Líburu “Carpe Liber”. Itaca est su símbolu de sa pàtria aillargu e bisada, arribu chi diventat un’iscusa po s’arricai e po connosci. Funt custus is temas de “In viaggio per Itaca”. Su progetu, dirigiu de Marco Porcu, previdit ca primu de dónnia atopu, is presoneris presentis in su presoni – de custus su 70 po centu funt furesteris – ligiant is líburus po ndi fueddai agoa cun is autoris. Sighi a ligi ‘Presonis: In Isili “In viaggio per Itaca”’