> 2011 mes’e totussantus 04 | ilMinuto

Archíviu de sa diri 4/11/2011

Prémiu literàriu “La giara”. Comitadu: “Sa Rai stresiat a sa língua sarda”

(IlMinuto) – Casteddu, 4 de su mesi de totussantus – S’esclusioni de is romatzeris in língua sarda de su Prémiu literàriu de sa Rai “La giara” est “una violatzioni grai de is diritus tzivilis de is sardus comenti minoria linguìstica istórica”. Est cantu narat cun d-una nota de protesta su Comitadu pro sa limba sarda. Sighi a ligi ‘Prémiu literàriu “La giara”. Comitadu: “Sa Rai stresiat a sa língua sarda”’

Manifestada de su 10 de su mesi de totussantus. S’adesioni de aMpI: “Aplicaus s’artículu 51 de su Statutu”

(IlMinuto) – Casteddu, 4 de su mesi de totussantus – “Seus de acórdiu cun s’abisóngiu de aplicai s’artículu 51 de su Statutu chi iat a donai sa possibilidadi de firmai is furas de Equitalia e sa batalla política po su determinu de sa contienda intradas”. Cun custus fueddus a Manca pro s’Indipendentzia aderit a sa “mobilitada de su pópulu sardu”, in programa po su 10 de su mesi de totussantus in Casteddu. De chini est sa crupa de sa “guta chi est bivendi de su pópulu sardu” e de s’apricu mancau de su Statuto? Sighi a ligi ‘Manifestada de su 10 de su mesi de totussantus. S’adesioni de aMpI: “Aplicaus s’artículu 51 de su Statutu”’

Giunta binta asuba de su Pranu Domu. Cappellacci: “Mi ndi andu”. Maninchedda (PSdAz): “Andaus a votai”

(IlMinuto) – Casteddu, 4 de su mesi de totussantus – Una bussinada po sa Giunta Cappellacci. Ariseru a merì su Consillu regionali at aprovau, cun 35 votus in faori e 27 contra,  s’emendamentu de s’opositzioni chi previdit ca dónnia modífica a su Pranu Domu depat essi aprovada puru de s’assembrea de bia Roma. Un’àtera bulladura po sa Giunta at cumbintu a su presindenti Cappellacci de amaletzai is dimissionis a sa torrada de Roma. Asuba de sa possibilidadi de eletzionis fueddat, de is pàginis de su giassu suu Sardegna e Libertà, su sardista Paolo Maninchedda e ddu fait in s’artículu “S’ocasioni de is dimissionis de Cappellacci”. Sighi a ligi ‘Giunta binta asuba de su Pranu Domu. Cappellacci: “Mi ndi andu”. Maninchedda (PSdAz): “Andaus a votai”’

Úrtim’ora: in Casteddu manifestada No Radar duranti s’isfilada de is fortzas armadas de su 4 de su mesi de totussantus

(IlMinuto) – Casteddu, 4 de su mesi de totussantus – Is comitadus No Radar no afestant su 4 de su mesi de totussantus. Custu mangianu in Casteddu, in bia Sonnino, s’at a tenni una manifestada de protesta contra a su fàbricu de 15 radar militaris in is costeras de sa Sardìnnia, própriu candu funt isfilendi, in su mantessi tretu, is fortzas armadas. Sighi a ligi ‘Úrtim’ora: in Casteddu manifestada No Radar duranti s’isfilada de is fortzas armadas de su 4 de su mesi de totussantus’

Cuncursus: su Man oberrit su bandu “BONAS PASCAS DE NADALE”

(IlMinuto) – Casteddu, 4 de su mesi de totussantus – “BONAS PASCAS DE NADALE”, títulu de su progetu nou de su “MAN_Museo d’Arte” de sa Provìntzia de Nùgoro, est unu cuncursu po fai una cartolina de augúrius po Paschixèdda, est indiritzau a totus is artistas sardus e a is chi funt residentis in Sardìnnia. A su cuncursu est possíbili partetzipai presentendi una pintura de cartolina in pdf o in paperi. Sa cartolina bincidora de “BONAS PASCAS DE NADALE” at bessiri in 500 cópias po sa distributzioni. In prus, ant essi produsias puru 100 cópias, firmadas e numeradas, e sa cartolina bincidora ant a benni mandada atressu de web a is prus de 10milla indiritzus de sa mailing list de su museu MAN. Sighi a ligi ‘Cuncursus: su Man oberrit su bandu “BONAS PASCAS DE NADALE”’