> 2011 mes’e totussantus 07 | ilMinuto

Archíviu de sa diri 7/11/2011

Prétzius in Casteddu: +0,3 in su mesi de ledàminis. Aumentus mannus in is tabacus (+4,6%)

(IlMinuto) – Casteddu, 7 de su mesi de totussantus – In Casteddu is Prétzius torrant a aumentai. A cantu narat su comunicau mensili fatu connosci de su Serbítziu Informatica e Statistica de su Comunu, agoa de su diminuimentu de su mesi de cabudanni (-0,3%), in su mesi de ledàminis sa carestia est aumentada de su 0,3%. S’acrescimentu de is prétzius po totu s’annu artziat duncas de su 2,7%. Su mesi passau is aumentus prus mannus funt stétius arregistraus in su cumpartu “Bufóngiu arcólicus e tabacus” (+3,5 %). Sighi a ligi ‘Prétzius in Casteddu: +0,3 in su mesi de ledàminis. Aumentus mannus in is tabacus (+4,6%)’

Contienda Sardìnnia: deunzu chentza de pàsiu de is féminas po pediri s’apricu de s’artículu 51. Pichetu de Paris

(IlMinuto) – Casteddu, 7 de su mesi de totussantus – Protesta noa de is féminas sardas po pediri s’apricu de s’artículu 51 de su Statutu. De custu mangianu a is 10.00, unus cantus de militantis de Irs impari cun Rosalba Sairu, Libera Mossa e Maria Luisa Rubiu ant a cumentzai un’isciòpiru de su fàmini chentza de pàsiu a faci de sa sedi de sa Regioni in s’arburada Trento, in Casteddu, po otèniri – si ligit in d-una nota – “provedimentus apretosus de sbucadura po s’acontéssia económica maba meda chi ferrit a sa Natzioni Sarda aprichendi s’artículu 51 de su Statutu de sa Sardìnnia”. Sa norma donat a sa Giunta regionali sa possibilidadi de pediri a su “Guvernu de sa Repúbbrica” sa suspensioni de “una lei o de unu provedimentu de su Stadu in matéria económica o finatziaria” noxili po s’Ísula. Su cumentzu de s’isciòpiru de su fàmini benit infatu a sa protesta de Paris. De ariseru a noti Doddore Meloni e unus scantu de militantis de sa scuadra indipendentista pichetant difatis sa pratza a faci de sa sedi de s’arburada Trento. Sighi a ligi ‘Contienda Sardìnnia: deunzu chentza de pàsiu de is féminas po pediri s’apricu de s’artículu 51. Pichetu de Paris’

Presonis: Sdr, in Sardìnnia 540 in abetu de giudítziu

(IlMinuto) – Casteddu, 7 de su mesi de totussantus – In is 12 presonis de sa Sardìnnia funt sèmpiri de prus is presoneris in abetu de giudítziu. Ddu denuntziat cun d-una nota de imprenta Maria Grazia Caligaris, presidenti de s’Assótziu “Socialismo Diritti e Riforme”. De is primus de su mesi de austu a sa fini de su mesi de ledàminis – acrarat Caligaris – is presoneris in is presonis sardas in abetu de giudítziu in Sardìnnia funt passaus de 494 a 540, de custus, 241 abetant su primu protzessu. Sighi a ligi ‘Presonis: Sdr, in Sardìnnia 540 in abetu de giudítziu’

Universidadi de Casteddu: s’11 de su mesi de totussantus in pratza is istudiantis contra a su decadessimentu de is istudius

(IlMinuto) – Casteddu, 7 de su mesi de totussantus – “Sa batalla nostra contra a su decadessimentu no at a acabai mai fintzas a sa revoca de su Decretu de su retori chi destruit su caminu de istudiu nostru”. Cun custus fueddus su Comitau Contra a su decadessimentu e po su Diritu a s’istudiu de s’Universidadi de Casteddu cumbidat a totus is istudentis interessaus a cabai in pratza s’11 de su mesi de totussantus po nai ca no a su provedimentu chi detzidit su decadessimentu de chini no est in cursu cun is esàminis. Sighi a ligi ‘Universidadi de Casteddu: s’11 de su mesi de totussantus in pratza is istudiantis contra a su decadessimentu de is istudius’

Avenimentus: in S’Alighera torrant is “Lúnis de sa Poesia”

(IlMinuto) – Casteddu, 7 de su mesi de totussantus - “Fai poesia est comenti fai a s’amori: no as a sciri mai si su prexu tuu est cundividiu.” (Cesare Pavese)

Est po oi su primu atopu de sa VII editzioni de is Lúnis de sa Poesia, dónn’annu promòvia de Pier Luigi Alvau. Is protagonistas de oi ant essi is versus de Giuseppe Piras, mortu primu de s’ora su mesi de martzu passau. Sighi a ligi ‘Avenimentus: in S’Alighera torrant is “Lúnis de sa Poesia”’