> 09 « mes’e totussantus « 2011 « ilMinuto – notizie Mediterranee – edizione Sardegna

Archíviu de sa diri 9/11/2011

Acuntéssia Bellomonte: su 19 de su mesi de totussantus sit in de protesta a faci de su Tribunali de Casteddu

(IlMinuto) – Casteddu, 9 de su mesi de totussantus – Sighit sa mobilitada in solidariedadi de Bruno Bellomonte, dirigenti de a Manca pro s’Indipendentzia de duus annus e mesu in galera po mori de acusas chi no funt stétias mai cumprovadas. A pagu diris de sa fini de su primu gradu de su protzessu prevìdiu po sa fini de mesi, su Comitau Traballadoris pro Bellomonte at aprontau unu sit in po sàbudu 19 de su mesi de totussantus a is 10.00, a faci de su Tribunali de Casteddu. Cussu a Bellomonte – si ligit in d-una nota de imprenta de su Comitau – est unu “protzessu chi tenit scéti s’iscopu de scuntroriai calisisiat forma de disacórdiu e prusatotu su disacórdiu in cufrontus de unu stadu colonialista”. Sighi a ligi ‘Acuntéssia Bellomonte: su 19 de su mesi de totussantus sit in de protesta a faci de su Tribunali de Casteddu’

Parchegius in Cuartu: bullada sa proposta de su Pd po ndi liai su Pranu Frimada

(IlMinuto) – Casteddu, 9 de su mesi de totussantus – Su Consillu comunali de Cuartu Sant’Aleni promovit su Pranu frimada. In sa setziada de ariseru s’assembrea at difatis bullau cun 16 votus contra, duus astènius e 9 in favoràbilis sa proposta de su Pd presentada de s’ex síndigu Luigi Ruggeri po pediri de ndi liai su pranu parchegius. Unu pranu frimada chi s’ex primu tzitadinu de Cuartu at definiu “inútili” e noxili po is buxacas de is famílias, critichendu puru calencuna cosa de s’impresa bincidora de sa gara, s’Aipa de Milanu. Sighi a ligi ‘Parchegius in Cuartu: bullada sa proposta de su Pd po ndi liai su Pranu Frimada’

(Italiano) Documento: sintesi risultati incontro Rettore Melis-gruppo studenti in decadenza (8 novembre 2011)

Manifestada de su 10 de su mesi de totussantus: puru su “Cinque Stelle” e “Sinistra Critica Sarda” pedendi apricu de s’artículu 51

(IlMinuto) – Casteddu, 9 de su mesi de totussantus – Aumentant is adesionis a sa manifestada de su “pópulu sardu” per pediri s’apricu de s’artículu 51 de su Statutu. A sa protesta, in programa po cras a mangianu in Casteddu, ddoi ant essi puru su “Movimento Cinque Stelle” e “Sinistra Critica Sarda”. “Mentris is multinatzionalis s’acafant cun pranus de isfrutamentu (Galsi, chímica birdi, esercitatzionis militaris etc) – scririt su cordinamentu de ‘Sinistra Critica’ – is chi patint s’arricatu de is bancas e de Equiatalia funt is prus débilis. Angarias comenti cussas patias de is famílias Giordi, Sairu e Nassitti, bogadas de mala chinta […] de is domus insorus, funt sèmpiri prus fissientis”. Sighi a ligi ‘Manifestada de su 10 de su mesi de totussantus: puru su “Cinque Stelle” e “Sinistra Critica Sarda” pedendi apricu de s’artículu 51′

“Annullai su dépidu de su stadu cun is bancas”. Ferrando in Casteddu po presentai de Pcl

(IlMinuto) – Casteddu, 9 de su mesi de totussantus – Annullai su dépidu de su stadu cun is bancas po dda acabai de pagai interessus de usureri a is speculeris e de tenni arresoesas de impitai in su traballu, in s’imparu, in su stadu sotziali. Est custa sa proposta de su Pcl de is traballodir po difendi is interessus de traballadoris, istudiantis, precarius, disimperaus e imprenditoreddus e po abàtiri dépidu. Unu dépidu de 30milla eurus a tzitadinu chi po Pcl est ingenerau de is ispesas militaris, de is òperas chi no serbint a nudda, de is privilegius de is parlamentaris,de is finantziamentus a su Vativanu de is arregalus a is bancas e a is speculeris. Sighi a ligi ‘“Annullai su dépidu de su stadu cun is bancas”. Ferrando in Casteddu po presentai de Pcl’