> 2011 mes’e totussantus 10 | ilMinuto

Archíviu de sa diri 10/11/2011

Scopiat s’aràbbiu de su póbulu contra a Equitalia. In milla in Casteddu po pediri s’apricu de s’artículu 51

(IlMinuto) – Casteddu, 10 de su mesi de totussantus – Apricai debressi s’artículu 51 de su Statutu, norma chi permitit a sa Giunta Regionali de pediri a su Guvernu italianu sa “suspensioni de s’apricu de una lei o de unu provedimentu de su Stadu in matéria económica e finatziaria […] chi fait dannus mannus a sa Sardìnnia”. Cun custu obietivu su movimentu contra a Equitalia at manifestau custu mangianu in Casteddu, a faci de sa domu de sa Regioni in s’arburada Trentu. S’arrabiu mannu de is manifestantis, de su pópulu de is partidas iva, contra a classi política sarda giudicada de is diversus interventus comenti managa a impitai su Statutu e s’artículu 51 po difendi is interessus de s’ecunumia sarda. In pratza puru una de is vìtimas prus connotas de su “sistema Istudius de setori-Equitalia”, Natalino Nissitti, bogau pagu tempus fait de sa domu de Masainas bendia a s’asta. A su pichetu ant pigau parti – chentza de banderas de partidu – is membrus de su “Movimento Sardi Liberi”, Irs, Malu Entu, “Artigiani e commercianti”, No Radar, “Antiequitalia”, Sardigna Natzione, aMpI, “Sinistra Critica Sarda”, “Movimento Cinque Stelle”, Pcl e una delegatzioni de sa “Nave degli indignados”: sa nai atracada in su moru Ichnusa ocupau de is 83 traballadoris lissentziaus de sa Enermar e imoi diventau basi de is contiendas de su “Movimento pastori sardi” e de is precàrius Csl e Cesil. Sighi a ligi ‘Scopiat s’aràbbiu de su póbulu contra a Equitalia. In milla in Casteddu po pediri s’apricu de s’artículu 51′

Protzessu Portovesme srl. S’acusa: “Anàlisi chímica trastocadas”. Sit in nou a faci de su Tribunali de Casteddu

(IlMinuto) – Casteddu, 10 de su mesi de totussantus – S’oberrit oi in su Tribunali de Casteddu sa segunda parti de su protzessu po s’interramentu abusivu de 10milla metrus cubus de arrefudus industrialis de sa Portovesme srl – 15milla tonnelladas de arrefudus toscus e noxilis – in is tretus de Setimu, Serramannaa e asuta de s’istrada de s’ispidali casteddaiu Businco. Po s’udiéntzia s’at a tenni unu sit in a faci de s’intrada de su Tribunali aprontau comenti sèmpiri de su comitau de is “Carlofortini preoccupati”. Sighi a ligi ‘Protzessu Portovesme srl. S’acusa: “Anàlisi chímica trastocadas”. Sit in nou a faci de su Tribunali de Casteddu’

Imparu: in Casteddu cunvennu asuba de s’impitu de su sardu in s’iscola e in s’Universidadi

(IlMinuto) – Casteddu, 10 de su mesi de totussantus – “S’impitu de su sardu veiculare in s’iscola e in s’universidadi”. At essi custu su tema de su cunvennu in progama cenàbara 11 e sàbudu 12 de su mesi de totussantus in sa saba cunvennus de s’Hotel Reina Margherita, in Casteddu. Duas diris po chistionai de s’impitu de su sardu in su mundu de s’imparu, s’avenimentu at essi presentau de Giuseppe Corongiu de sa diretzioni generali de s’assessorau a sa Cultura de sa Regioni Sardìnnia. At a oberri is traballus in programa su relatu “No scideus comenti ddu scriri, duncas no ddu fueddaus: milla e un’arreghèscia po unu suìcidiu linguìsticu”, de Michele Loporcaro de s’Universidadi de Zurigu. Sighi a ligi ‘Imparu: in Casteddu cunvennu asuba de s’impitu de su sardu in s’iscola e in s’Universidadi’

Avenimentus: Fulvio Grimaldi presentat “Maledetta Primavera”

(IlMinuto) – Casteddu, 10 de su mesi de totussantus – Gióbia 17 de su mesi de totussantus a is 18.30, in sa saba “Giuanni Cosseddu” de Sa domu de s’Istudianti de bia Trentino in Casteddu , Fulvio Grimaldi, giornalista indipendenti chi s’est ocupau de teatrus de gherra comenti s’Iraq, sa Serbia e sa Palestina, at a presentai s’úrtimu documentaàriu chi at fatu, “Maledetta Primavera”. Sighi a ligi ‘Avenimentus: Fulvio Grimaldi presentat “Maledetta Primavera”’