> 2011 mes’e totussantus 11 | ilMinuto

Archíviu de sa diri 11/11/2011

Isciòparu generali: in pratza 30milla sardus

(IlMinuto) – Casteddu, 11 de su mesi de totussantus – Terzu isciòparu generali de sa Sardìnnia in pagu annus po Cgil, Cisl e Uil. Custu mangianu funt pagu prus de 30milla is personis chi funt cabadas in pratza in Casteddu po nai ca no a is políticas económicas de unu Guvernu Berlusconi chi fortzis tenit pagu diris vida e de sa Giunta Cappellacci. Is sindacaus chi ant aprontau s’isciòparu pedint a s’esecutivu regionali “s’arrespetu de is impínnius e de is acórdius firmaus, a cumentzai de su patu cun sa Regioni de su 4 de su mesi de làmpadas de su 2010″.

Sighi a ligi ‘Isciòparu generali: in pratza 30milla sardus’

Militarizatzioni: domínigu pedalada “no radar” in Sant’Elia

(IlMinuto) – Casteddu, 11 de su mesi de totussantus – In Casteddu, in Sant’Elia, et ativu de unu bellu pagheddu de tempus unu radar militari de sa Guardia de Finanzia, unu de is 15 “contra a is furesteris” finantziaus de su Ministeru de sa Difesa po essi postus in is costeras sardas. Po denuntziai a sa genti custa àtera tzerachia militari s’assótziu “Amigus de sa bicicreta” de Casteddu at aprontau po domínigu chi benit una pedalada contra a is radar de pagu prus de 20 chilómitrus. Sighi a ligi ‘Militarizatzioni: domínigu pedalada “no radar” in Sant’Elia’

Sa Saras cicat su metanu. In Arbarèe nascit su comitau “Nou a su Progetu Lianora”, aMpI: “Assachizamentu coloniali nou de is Moratti”

(IlMinuto) – Casteddu, 11 de su mesi de totussantus – Firmai su pranu de stuvonai de sa Saras po sa cica de su metanu est aprontendusì. In Arbarèe est difatis nàsciu su comitau tzitadinu “Nou a su Progetu Lianora”. “Unu comitau – si ligit in d-una publicada in Facebook – fatu de tzitadinus de Arbarèe , traballadoris, istudiantis chi de unus cantu de cidas si dimandant poita un’argumentu de importu aici mannu po su tempus benidori de sa comunidadi nostra sit pigau pagu in cunsidériu”. Est contra a su “Progetu Lianora” puru anche a Manca pro s’Indipendentzia. Sighi a ligi ‘Sa Saras cicat su metanu. In Arbarèe nascit su comitau “Nou a su Progetu Lianora”, aMpI: “Assachizamentu coloniali nou de is Moratti”’

(Italiano) Documento: Processo Bruno Bellomonte, lettera di Caterina Tani (10 novembre 2011)

Galsi: una petitzioni online po nai ca no a su metanodotu “àtera tzerachia”

(IlMinuto) – Casteddu, 11 de su mesi de totussantus – “Amparaus s’Ísula, nara tui puru ca nou a su metanodotu!”. Cun custus fueddus su grupu Facebook “Totus is sardus contra a su metanodotu Galsi” cumbidat a firmai una petitzioni online po nai ca no a su fàbricu de su tubu de aciarxu. A pagu oras de sa publicatzioni funt stétias arregortas pagu prus de 150 firmas. Sighi a ligi ‘Galsi: una petitzioni online po nai ca no a su metanodotu “àtera tzerachia”’