> 14 « mes’e totussantus « 2011 « ilMinuto – notizie Mediterranee – edizione Sardegna

Archíviu de sa diri 14/11/2011

S’Ue frimat s’esportatzioni de petza de procu sarda. Coldiretti: “Cappellacci fatzat calencuna cosa”

(IlMinuto) – Casteddu, 14 de su mesi de totussantus – Su Comitau “Po sa saludi de is animabis” de s’Unioni Europea at determinau sa frimada de s’esportatzioni de sa petza de is procus pesaus in Sardìnnia, permitendi in su mantessi tempus s’importatzioni in s’Ísula de procus bius prontus a essi maceddaus. Coldiretti pedit a su presidenti de sa Regioni, Ugo Cappellacci, de frimai custu determinu, dimamdendi a sa Comissioni europea de no arratificai su parri de su Comitau. Sighi a ligi ‘S’Ue frimat s’esportatzioni de petza de procu sarda. Coldiretti: “Cappellacci fatzat calencuna cosa”’

Acuntéssia Bellomonte: “Sighit s’acanarjada contra a is comunistas e a is indipendentistas”. Obertas is adesionis a su sit in de sàbudu

(IlMinuto) – Casteddu, 14 de su mesi de totussantus – Sa dimanda de su pm de cundennai a Bruno Bellomonte a 10 annus e 7 mesis cun s’acusa de ai pigau parti a fai torrai a nasci, forsis, is Br no fait scatulai a Antonello Tiddia, boxi de su Comitau traballadoris pro Bellomonte. Su Comitau at difatis aprontau unu sit in de solidariedadi cun su ferruvieri indipendentista e comunista de aMpI, in galera de 29 mesis. S’atopu est po is 10.00 de sàbudu 19 de su mesi de totussantus, a faci de su Tribunali de Casteddu. Sighi a ligi ‘Acuntéssia Bellomonte: “Sighit s’acanarjada contra a is comunistas e a is indipendentistas”. Obertas is adesionis a su sit in de sàbudu’

Iscola: Cobas in pratza in Casteddu su 17 de su mesi de totussantus

(IlMinuto) – Casteddu, 14 de su mesi de totussantus – “Sa crisi andat pagada de chini dd’at intzitada e de chini s’arricat. Cun custus fueddus is Cobas iscola de sa Sardìnnia cunfirmant s’isciòpiru – aprontau impari cun su sindacau Cub – e is manifestadas in programa po su 17 de su mesi de totussantus, diri mondiali de lota de is istudiantis. “Su tzentrumanca pretzisant is Cobas in d-una nota – no boliat bogai a Berlusconi po ndi frimai is política aprontadas, ma scéti po ddas apretai. Is duas alleàntzias ant a votai impari sa libertadi de lissentziamentu, de trasferimentu a sa maroilla de traballadoris públicus, s’annullamentu de is cuntratus natzionalis, s’impeoramentu de is pensionis”. Sighi a ligi ‘Iscola: Cobas in pratza in Casteddu su 17 de su mesi de totussantus’

Universidadi. Carboni (Comitadu): “Su progetu po sa formatzioni de maistus in língua sarda comentzat scéti in Casteddu”

(IlMinuto) – Casteddu, 14 de su mesi de totussantus – In d-un’annu Sa Regioni Sardìnnia fincat in sa língua sarda scéti su 0,4 po centu de su dinai chi ddoi est po sa cultura. Ddu fait sciri cun d-una nota Mario Carboni, de su Comitau pro limba sarda. In su bilantzu de su 2011 – acrarat sa nota – sa Regioni finatziat 245.159.000 eurus po sa cultura, de custus scéti una fitixedda, 988milla, funt po su sardu. Su Comitau denuntziat puru s’apricu mancau de su programa po Formatzioni de maistus in língua sarda (Fils) in s’ateneu de Tàtari. Sighi a ligi ‘Universidadi. Carboni (Comitadu): “Su progetu po sa formatzioni de maistus in língua sarda comentzat scéti in Casteddu”’

Avenimentus: is fueddus de Giovanna Mulas contra a sa violéntzia asuba de is féminas

(IlMinuto) – Casteddu, 14 de su mesi de totussantus – Ligimentu púbblicu cun sa poesia de Giovanna Mulas po sa Diri mondiali contra a sa violéntzia asuba de is féminas. Cenàbara 25 de du mesi de totussantus a is 18.00, in is aposentus de su Palatzu Régiu in Casteddu – in d-unu merì aprontau de d’Assótziu onlus Timbora cun s’apógiu de sa Provìntzia, de sa Comissioni “Pari Opportunità” de sa Provìntzia e de su Comunu – Giovanna Mulas at a fueddai de sa cosa impitendi is versus suus: Sighi a ligi ‘Avenimentus: is fueddus de Giovanna Mulas contra a sa violéntzia asuba de is féminas’