> 2011 mes’e totussantus 15 | ilMinuto

Archíviu de sa diri 15/11/2011

Parchegius in Cuartu, petitzioni populari noa po ndi liai a su Pranu de firmada de su tzentrudereta

(IlMinuto) – Casteddu, 15 de su mesi de totussantus – Petitzioni populari noa contra a su “Pranu firmada” de s’aministratzioni Contini. A is firmas pigadas online e in paperi de su grupu “Piano della sosta Quartu Sant’Elena”, chi in duas cidas at superau is 400 firmas, s’aciungit imoi sa petitzioni populari bófia de su Comitau referendàriu “Basta strisce blu”. Custa petitzioni – si ligit in d-una nota de imprenta – “pedit de ndi liai su Pranu generali de frimada lamau ‘So-stare a Quartu’ e proponit una fibera de modíficas a su progetu, de fai primu de sa “raidura definitiva”. Sighi a ligi ‘Parchegius in Cuartu, petitzioni populari noa po ndi liai a su Pranu de firmada de su tzentrudereta’

Galsi. Pcl: “Truncaus sa conca a su caboru, scancellaus s’acórdiu de su 25 de su mesi de fiàrgiu de su 2003″

(IlMinuto) – Casteddu, 15 de su mesi de totussantus – “No est difítzili truncai sa conca a su caboru de aciarxu”. Cun custus fueddus su Pcl narat ca no a su Galsi, su metanodotu Algeria-Sardìnnia-Itàlia, torrau a batiai caboru de is fortzas chi gherrant contra a su fàbricu de su tubu de aciarxu. Po su Pcl tocat aboliri s’acórdiu de nàscida de su cunsórtziu Galsi de su 25 de su mesi de fiàrgiu de su 2003, firmau de Mauro Pili, in su mamentu presidenti de sa Regioni Sardìnnia, e de “un’arrapresentanti de su guvernu sambenàriu algerino”. Sighi a ligi ‘Galsi. Pcl: “Truncaus sa conca a su caboru, scancellaus s’acórdiu de su 25 de su mesi de fiàrgiu de su 2003″’

Calciu. Traballadoris de sa Biddacidresa: “Chentza de biri unu soddu de un’annu”

(IlMinuto) – Casteddu, 15 de su mesi de totussantus – A cincu mesis de sa fini de su campionau de calciu de su 2010-2011, is giogadoris e is traballadoris de sa Biddacidresa no ant biu nimancu unu soddu de is stipendius de sa stagioni passada. Est cantu denuntziat una lítera, firmada “is traballadoris de sa Biddacidresa” – imbiada a su presidenti de sa Regioni, a s’assessori a su Sport, a su presidenti de sa Provìntzia de su Campidanu de Mesu e a su presidenti de sa Lega Calciu. “Eus scipiu – si ligit in sa lítera – ca sa Regioni at donau a sa Sotziedadi [...] 310milla eurus prevìdius po su finantziamentu de is sotziedadis sportivas fatas de professioneris […]“. A custu dinai s’aciungint àteras “sponsorizzazioni”, lompendi – narat sa lítera – a unu tzirfa “bastanti po saldai su dépidu de su traballu 2010-2011 chi sa Biddacidresa tenit cun is traballadoris suus, ma puru po permiti a sa Sotziedadi de su Campidanu de Mesu de sighiri a fai su Campionau”. Sighi a ligi ‘Calciu. Traballadoris de sa Biddacidresa: “Chentza de biri unu soddu de un’annu”’

(Italiano) Concerti: a Cagliari “Gioia e Rivoluzione” con gli Area

Sighi a ligi ‘(Italiano) Concerti: a Cagliari “Gioia e Rivoluzione” con gli Area’

Avenimentus. cumentzat su progetu “Incroci di rock e cinema” de su Man de Nùgoro

(IlMinuto) – Casteddu, 15 de su mesi de totussantus – At a cumentzai oggi 15 de su mesi de totussantus “Incroci di rock e cinema”, su progetu de su Man de Nùgoro: una butega in tres atopus po unu públicu de giòvanus a cumentziai de is 15 annus. “Incroci di rock e cinema” at a trassai su caminu istóricu de su rock, fenómenu chi at marcau sa cultura de su XX séculu. Is atóbius tenint s’obietivu de contai s’istória de su rock atressu puru de proietzionis pigadas de is videoclip e de is film chi funt de importu mannu po custu tipu de música. Sighi a ligi ‘Avenimentus. cumentzat su progetu “Incroci di rock e cinema” de su Man de Nùgoro’